根據非官方正式統計數字，10個無啦啦黑過舊炭嘅朋友中，有1個喺石澳曬黑，其餘嘅9個都會返咗鄉下，想知自己係咪完全變「泰」，望下以下嘅10大變「泰」事項啦。 1) 行程「泰」Hea 行到邊hea到邊，一日食n餐，突然行街突然又想跳落水，有時food court有時掃街，冇行程就係行程。 2) 住得「泰」豪「泰」爽 豪並唔係解作價錢好貴，只要付出少少已經夠曬豪華喇，要望海要落地玻璃要有spa有泳池，喺酒店房就可以感受到搵嘢嘅樂趣（相機粒電呢、太陽眼鏡呢...叫咗你唔好亂擺嘢嫁啦） 3) 「泰」好味 喺呢一方面，你從來都唔會理價錢呢樣嘢，你只會理佢係咪好味，基本上見到咩就想食咩。嘩芒果糯米飯嘩生蝦嘩豬腳飯嘩海南雞飯嘩蚵仔煎嘩Pad Thai...嘩嘩嘩嘩嘩 點擊圖片放大 +5 4) 海灘泳池曬「泰」陽 明明同香港一樣咁熱，喺香港會嗌救命，喺泰國你會嗌勁爽。再post相打「識嘆一定係咁嘆」 5) 「泰」式按摩spa 骨精強上身，每日都好想俾人揼，俾人啪。落機做一次，臨上機一定要嚟多次。（我最嚴重係一日一次，扭腰扭到鬆晒冇聲） 點擊圖片放大 6) 「泰」刺激水上活動 水上樂園浮潛電單車海底漫步香蕉船，總有一樣岩你 7) 買得「泰」瘋癲 瘋狂掃貨，衫褲鞋物手袋飾物，買定下季下季再下季嘅嘢。JJ market、Big C、Siam Paragon、MBK、CentralWorld、Platinum...嗱嗱嗱，即刻諗起啲戰利品喇！ 點擊圖片放大 +3 8) 「泰」平 你做任何嘢，首先考慮嘅並唔再係價錢，而係質素。你好少會講「咁貴既」，反而係「嘩咁平唔係唔買下話」 9) 玩得「泰」夜 嚟到呢度唔係早訓下話，落去食個宵野再飲杯嘢啦！ 10) 「泰」想再去過 架機未飛到香港，你已經諗定「I'll be back」同下次行程。曼谷?布吉?華欣?芭堤雅?清邁?蘇梅?咩都好啦！ 以上10項，你加埋有幾多分呢? 0-3分：你㩒得入嚟睇呢個post，又睇到最尾，點會咁低分呀，咪玩我啦。 4-6分：你只有一半變泰，未夠歷練未夠道行，買張機票過去修煉下先啦。 7-10分：你係百分百完全變「泰」，一年會想去泰國最少一次，唔駛旅遊書已經熟識啲路點行、BTS點坐（張卡冇退按金下次用）、掃貨邊間平、揼骨邊間爽、芒果糯米飯邊度正，出入踢拖當自己屋企咁。 快啲Tag返你啲完全變泰嘅同鄉，提佢準備一齊返鄉下啦！ 如果你都有同感…就襟個LIKE支持下我呢個偽blogger啦！ Facebook: 離開是為了回來 (https://www.facebook.com/leavingisforcomingback/)
