雖然7仔唔係旅遊景點，但佢總會喺旅行嗰陣喺你左近出現。。。 喺台灣7仔... 買悠遊卡 食麻醬撈麵同溫泉蛋, 飲純萃喝 買OPEN 小將做手信 喺新加坡7仔.... 買KOKA海鮮杯麵食 喺韓國7仔.... 一落機買嘅香蕉奶 (明明香港有得買) 喺日本7仔.... 用免費wifi 買關東便當、飯糰、關東煮、Big雷神朱古力 食壽司, 唔知點解都咁好味 仲有比香港出快少少嘅飲品樽 試過喺北海道7仔避寒同雪,重點係擺部電話喺暖爐邊令佢暖返啲可以開返機 喺泰國... 當全身出汗,頂唔順嗰陣,嘆冷氣避暑嘅最好地方 大部分嘢都可以喺big c買,但行過點都要買可樂飲 講咗幾個地方, 俾我講埋香港7仔... 喺香港7仔.... 小學:買思樂冰同軟雪糕 中學:增值,買YES(仲要係一打開就睇MISS X o個版)同肉醬意粉 依家:買印花同買印花 為咗唔想似係一篇廣告, 擺埋喺釜山白色情人節一間便利店(GS25)嘅相, 啲朱古力同花多到見唔到個門口。 去旅行嗰陣，夜媽媽要食少少嘢醫肚，要問路...7仔的確係最佳選擇 歡迎大家推介下喺世界各地嘅7仔仲有咩正嘢食！ *有部分照片係轉載
