22.02.2015 行程簡介: Cuzco 市內"慢"遊 旅程的最後一日, 又係無行程的, 瞓到自然醒, 嘆個悠閒早餐, check out 左又出去行下 整個旅程都彌漫住一片嘉年華氣氛! 無啦啦, cuzco 又有巡遊! 規模唔算大, 但就係因為咁, 我地可以近距離影相! 人離鄉賤, 物離鄉貴, 香港製造出前一丁, 索價3.5S, 即係HKD8.5 一包! 中午去醫肚, 原本想encore Day 10 的韓國餐廳, 可惜星期日無開門! 於是乎又去食燒雞了~ 呢間係Day 2 嗰間Los Angeles 燒雞隔離, 即都係San Francisco Church 對出 今次每人叫左1/4! 勁大碟! 有陣中東味XDD 其實味道唔差既, 不過我地覺得Los Angeles D 雞好味D , 但薯條就呢度高分D ! 另外仲叫左一jar 好似提子汁咁味的飲品, 好飲! 實在行到無野好行, 加上外邊D 人瘋狂咁噴泡泡, 我地今晚要上機, 要2日後先有得沖涼 盡量唔想俾D 泡泡整污糟個頭, 所以走去cafe 度坐! 時間差不多, 要走 lu !! 好唔捨得呀!!!! 今次旅程雖然已好早準備, 但個Schedule 都麻麻地! 希望好快又有下一次南美之旅啦 (儲錢, 儲錢, 儲錢, 儲錢...) 但其實要掉低個仔2個星期, 係人都癲架! 好掛住呀!!!!! 唉真係要回程啦. . . 又要 1hr + 7hrs + 17hrs 第十三天, 最後一天, 完~ 同場加映 :: 爛喼!!! 發生係Cuzco 去利馬嗰轉, 因為無得check thur, 係利馬取行李時就發現原本已好殘的行李箱手柄搞成咁 即刻去Lan Peru counter 問, 又claim 到喎, 賠左USD 40! 利申:: 我個喼已經好殘!! 我賺左!
