第一篇就黎食！其實我真係好為食嫁 :lol: 可能之後都係食食食食食~哈哈* 呢幾日香港都勁凍冰冰，仲話會落雪添(但最後都無得睇)，其實除左匿埋0係被窩入面最暖笠笠外 喺呢個咁凍嘅時間，人人地想去打個邊爐去warm下，我都唔例外，仲要我勁鐘意！ 去左元朗一間小店試下，嗯…呢間真係食完要再encore!! 入到去其實都無咩idea想食，始終第一次黎梗係要問下老闆娘有咩正野介紹， 老闆娘超nice介紹好多新鮮食材，按照我們人頭喜好等等去預算食物，同埋佢絕大部份嘅野都自家制(有時可能有d少量特別食物添) ▲一黎就俾我地一個海鮮拼盤，嘩，我見到時呆左，啲海鮮咁大隻嘅喂！ ▲響玲係必食嘅！即刻炸即刻上檯係熱辣辣，鬆脆的，唔駛浸湯可即食 ▲啲海鮮不得了！又大又彈牙，都幾鮮味嘅！食肉獸嘅我見到碟牛真係好開心，都係果句喇，啲肉好鮮肉味夠！我地encore左2碟！哈哈* 食到個人好滿足❤❤❤❤ 老闆娘係好熱情嘅，成日問夠唔夠，有咩要，同埋佢真係唔會浪費， 你去到好多野如匙羹等等都需要你開聲佢先會俾你，但我幾buy佢意念， 有時候拎多左出黎你未必會用，但就一定唔多唔少整dirty左佢； 叫得太多野食，你未必食得哂，浪費左啲食物，食幾多叫幾多；洗少幾隻用少啲水。 ▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿同場加影+甜品時間 女仔最喜歡就算食到幾飽幾滿足都好喇，點都一定要搵甜品作結尾，先叫美好。 我就立即search下邊度有甜品，見到呢間幾吸引就入左去食喇。 不負眾望，真係好味，窩夫不軟不硬，香噴噴。最利害係個火焰雪山(細細個好喜歡食!) 酒味都ok的!!!入面果雪山不得了，食完甜品，我個肚就真係漲爆啦！ 番到去走入被窩，今晚做隻食飽飽又暖笠笠嘅肥豬啦 :D~❤ - - - - - - - - - - - - - - - - - - - - - - - - - - - - - - - - - - - - - - - - 新發小廚 地址: 元朗鳳攸北街11-15號益發大廈地下 (openrice) 營業時間：星期一至日: 17:00-03:00 港式/火鍋/海鮮/大牌檔 - - - - - - - - - - - - - - - - - - - - - - - - - - - - - - - - - - - - - - - - 蜜密 Honey Secret 地址: 元朗鳳攸東街9號好順意大廈B座地下15號舖 (openrice) 營業時間：星期一至日: 15:00-00:30 港式/西式/甜品/糖水/雪糕/乳酪 ▸▹▸▹▸▹▸▹▸▹▸▹▸▹▸▹▸▹▸▹▸ ｜各邀請合作機會｜Contact ✉：heretrazw@gmail.com ⇣我偶然也會留下一點足跡⇣ Ublog┆BE Blog┆Elle┆She.com┆theZtyle.com┆itrial┆Gotrip┆痞客邦┆ ▸▹▸▹▸▹▸▹▸▹▸▹▸▹▸▹▸▹▸▹▸ 謝謝你的到來，也可以到Facebook，支持一下喔，感謝❤
