出開銅鑼灣拎禮品，選擇了於這間西餐廳午膳。餐廳用咗射燈同壁燈採光，營造了有情調嘅氣氛。 12點至5點有lunch set供應，每個套餐有四個項目，包括湯、沙律、主菜和餐飲，平均計好似好抵。 我哋叫咗兩個套餐。出餐速度超快，湯、沙律和餐飲於落單後5分鐘內已送到，主菜亦緊隨其後上枱，十分適合繁忙的都市人。 主廚湯-餐湯係雜菌忌廉湯，菇菌分量超多。 凱撒沙拉-以為係細細碟嘅前菜，原來好大碟。沙律菜新鮮翠綠，配有煙肉粒，沙律醋汁唔太酸，配搭得宜。 主菜-酥炸牛排佐吞拿魚醬汁 第一次食炸牛扒，仲要配吞拿魚醬，好特別。吞拿魚醬中食到啖啖吞拿魚肉。配菜有火箭菜、蕃茄、洋蔥和薯仔，好豐富。 主菜-西西里番茄海鮮 配有外脆內軟嘅麵包，可醮充滿海鮮鮮味嘅番茄濃汁食。最愛碟上嘅爽脆大蝦。 餐飲-熱綠茶 餐飲有四個選擇，我們都選了熱綠茶，好少餐廳有，特別啲。綠茶味好清香，配有方糖另上，適合嗜甜者。 店員很有禮貌，皮座位很舒適，平民價錢，高格調嘅享受。 Babbo Trattoria 網址: https://s.openrice.com/QrbS00B0600 地址: 銅鑼灣 羅素街2-4號二千年廣場5樓 電話: 2606 1288
