序︰ 呢次係我第一次去釜山旅行，事前做左好多Research，因為要同8個唔識路既同胞一齊去。所以簡單講，唔可以出錯，要好熟 :lol: 睇Blog既都唔好笑細路我多錯字，打到19999咁，因為我當年AL中文作文都係拎F架姐XD 好!開波 3/4/2015 釜山之旅 第一日 你黎玩DELAY? 相信唔少人都試過圖入面發生既野。 但係，細路我係第一次! 最後我係係香港機場做難民，訓左2個幾鐘 sosad :-x 好喇，上到機，仲要Delay多一個鐘。天呀!要改個行程喇即刻。 總算上到機，差唔多到釜山既時候，影到一片雲海，好靚。(本身都想complaint 間airline，見到咁靚既view，就放過佢啦) 釜山時間 9點，終於落機喇。 係啵，講返第一日行程係點先。 機場->去酒店放低行李->釜山大學前行街+掃街+買野+食晚飯->溫泉場虛心廳浸溫泉 其實本身落機個陣想買釜山既「八達通」。但因為機場間7-11(係，無打錯，機場出大台個間係7仔)竟然話無8張賣，廢時計錯數，所以出發釜田站決定買TICKET先。 上網都無Details 講點樣出地鐵站，係依度寫details 少少啦 出機場直行就會見到個的士/巴士站(見上圖)，向右行，直行3分鐘(計埋你拖野既時間)，就會見到輕電鐵(架野係架空鐵路黎) 由於係機場站唔可以買到直去釜田站既ticket，所以按制只可以買到沙上站(사상역) 架空鐵路，去到總站落車你就可以去到沙上站，拍卡出站。 係沙上站轉去地鐵，要先落2條長電梯，再搭兩條直電梯去到尾轉右就可以又買ticket喇。 你怕唔識買ticket? 唔洗怕，當地有職員會教你買，仲要係一班好可愛好nice既伯伯，佢地會教埋你，幫埋你買，什至同埋你影相xD 去旅行 唔係唔影呀 我地酒店係釜田站，所以要去到西面站再轉一個站去釜田站 今次釜山之旅既酒店 地點︰算係咁啦，幾就腳既，夜晚出去食野係無可能囉。 居住︰住得下人啦，房內設備齊。 價錢︰網頁價錢 Around Hkd1000@Night。 放低d野，我地就即刻出發去釜山大學啦(當時時間已經係差唔多1點) 由於我地班機Delay，我地先係香港機場食左一餐，上機再食多一餐，所以落機都唔太肚餓，所以決定5點幾先食飯。 釜山大學(128)，你睇個名就知多靚女啦(好似係) 事實上，係既! 但因為第一日落機，個人好攰，所以跟本無咩心機去影同識女仔 先黎個攰到不得了既樣既大合照先! 經非正式統計，呢個團飲得最多，水之後就係Coffee。 小編就奇怪d既，飲完Coffee會眼訓所以一杯都無飲。同行團友就當水飲。 點擊圖片放大 +2 釜山大學有兩個地方一定要去既! 第一，係釜山大學前既街邊小食 第二，係位於釜山大學前側邊既NC Building 最底個層既家品店 3個字，平靚正! 小編媽媽本身已經想掃架喇。但我控制得佢住，所以先無出事炸! 行到5點幾，係時間開餐 釜山附近有一間任食燒豬腩既店。 名就真係唔公開囉，廢時食貴曬XD FD要就PM比你啦。 點擊圖片放大 +4 兩台9個人總共叫左8次豬腩，但班韓國學生哥仲激，2個人叫左10轉，唔怪得班釜山妹咁大份。最令人驚喜係價錢，每位HKD $61.4 又平又好食，係香港我諗每位無$200唔洗落樓。 食完飯，就快手快腳去溫泉場站(127)「虛心廳」黎個醒晨浸溫泉。 「虛心廳」係農心酒店管理，一般旅遊書會教溫泉場站1，4號出口行，玩野咩! 識行一定係由5號出口，經天橋直行搭LIFT落樓下，經商場再行去，又快又易去。 見到農心酒店，對面就係「虛心廳」。上2樓就可以CHECK IN。 強烈Suggest大家，黎依度浸就ok，唔好玩汗蒸，呢度係浸就正，其他設施好屎。 浸完有精神，緊係集下郵啦 浸完都成10點，返酒店訓喇要 下期預告! 下集: 去機張，狂食蟹! 海雲台，行Hea食! 去Centum City，玩spaland!
