IG:heawifey 好多時諗唔到煮咩嘅時候就會整雞翼～好好嘅快靚正食材，口味變化又多。今次share 一下呢個越式口味🙂 💡如果屋企多人食可以煮多d雞翼，調味要落返多d 呀～∞材料∞雞翼六隻牛油一匙蒜蓉一匙麵粉 適量∞醃料∞蒜粉 兩匙魚露 兩匙糖 半匙黑/白胡椒粉 隨意 𝟙 ／雞翼解凍後沖洗乾淨，用廚房紙印乾𝟚 ／魚露，糖，蒜粉，胡椒粉醃雞翼至少30分鐘，順手預熱焗爐180℃ 𝟛 ／倒適量麵粉落碗，雞翼沾好麵粉，均勻裹住就可以，唔好過多，沾好麵粉要隨即落鑊 𝟜 ／熱油，將雞翼細火煎香，夾起放焗盤𝟝 ／雞翼入焗爐，焗大概15分鐘至熟透𝟞 ／細火煮溶牛油，落蒜蓉炒香倒上雞翼面，再焗10分鐘收乾，𝕕𝕠𝕟𝕖😊📌唔同焗爐火力有偏差...溫度時間要自己掌握一下📌用蒜粉醃比蒜蓉較易入味，又唔會煎到燶晒有黑色粒粒📌牛油蒜蓉都好易燶，要用細火📌唔用焗爐都可以慢慢煎熟雞翼，但焗爐會效果比較乾身同香脆
