由見工到入職，相信HR 都俾過大大小小唔同既表格要填。哩 D 表格可以幫我地整理記錄，又可以提供到唔同既資料俾我地幫大家報稅、申請醫療保險或者係強積金等。但我從來都無諗過原來交返黎既 Form 都可以令人大開眼界。 . . . 通常面試之前，我地一般都會請應徵者填份應徵申請表，見過千千萬萬個應徵者，大部分人都只係用 15 至 20 分鐘就會完成，當然等佢填既一刻我地梗係返自己房 hea 下，所以都會同佢講話大約 15 分鐘之後先返黎。 . 當然通常都會再遲少少先返去，一來為左增加 hea 既時間，二來個應徵者又多 D 時間填 Form。 . 有一次我 20 分鐘後返去，個應徵者話需要多 D 時間，望住佢份 Form，填左三分一都未有，我心諗：「爽呀，可以 Hea 耐 D！」 . 然後我隔多 15 分鐘再返去，點知都仲係未完成到一半。 去到 50 分鐘，都仍然努力中…… . 最後足足用左 1 小時 15 分鐘先完成，我開始有 D 懷疑佢係咪有讀寫障礙…… . . . 曾經亦有應徵者懶到一個點，在見工份申請表格上面，「以往工作經驗」一欄寫住 3 隻字—「See Attached Resume」…… . . . MPF 開戶申請表第一欄，一般都係要填公司名稱，但係為數不少既同事都填左佢地自己個名係哩一欄上。 . 噢！原來同事自己開左間公司，自己幫自己報 MPF，真係失覺哂！ . . . 有時候又會在醫療索償申請表上，將名字一欄留空。 . 喂呀，大佬，你叫保險公司點幫你搞手續……好彩佢記得連埋張單交黎姐，如果唔係我連想幫你填返個名落去都唔得。 . . . 仲有一次令我百思不得其解。入左職既同事要填返一份詳細既「個人資料表格」俾我地入 System，但佢竟然係個表格上面，「地址」一欄填上 「7head@gmail.com」。 . Woo~~ 原來依家住屋問題已經到達左哩一個地步，連固定實體住址都無埋，得返個電郵地址…… . . . 當然，有 D 學歷較低既同事填表時有困難，要求我地教一教佢地填。當然我地十分樂意，點知…… . 我逐行逐行講解要填咩資料，已經特地講慢少少，仲用手指指住適當位置，諗住講完再講另一欄。 . 我（手指著出生日期果欄）：「那，哩一欄填出生日期。」 佢同我將個出生日期寫左落去「電話號碼」果一欄…… . . . 有哩 D 同事，人生可以 Hea 既時間又少左……
