窮遊，有甚麼好怕? 對於窮遊, 很多人都存在誤解, 覺得不用花錢(或花小錢)的旅行方法一定是危險和不安全; 一些我已經做了或準備去做的事, 很多人都覺得難以理解, 然後問:「你不怕的嗎?」 當然怕呀, 關於窮遊, 我怕的還多得很呢, 例如: 1. 冇得化妝: 有冇人留意到「talk得抬得hitch hike得, 死都唔丟眼線筆」係我地嘅宗旨? 人的一生是取決於形象的, 眼線係我地最後嘅底線! 想當年喺東京exchange, 冇化妝真係街都唔敢出, 所以唔化妝, 唔戴con, 做返自己, 並唔apply喺本人身上。但窮遊有時真係涼都冇得沖, 機場、警局、學校都訓過, 仲點搞咁多野? 冇辦法之下只好豁, 豁出去, 但我求下你千祈唔好影我呀大佬 (Photo credit：生@發現號) 2. 冇得沖涼: 除非我攰到七個一皮或者湯左, 否則一般情況下冇沖涼洗頭我係訓唔著的。搭西佰利亞鐵路火車時冇得沖涼, 喺盡量唔郁動嘅情況之下, 其實本人嘅汗線都唔多發達, 加上本身體溫比正常溫度低少少, 捱下捱下五天就過去了。今次玩到去越南camping, 騎左成日機車仲要冇涼沖, 原來又難頂唔過俾昆蟲咬喎 3. 污糟: 身上一定要帶tissue和濕紙巾、洗澡時幾乎不想用手拿花灑, 也不想乾淨衣物碰到牆壁; 上廁所時順道練squat、睡覺時要把自己埋進睡袋...改變不了現實, 唯有改變心態, 相信眼不見為淨。潔癖的旅人真有說不出的苦。 4. 冇得洗衫: 窮遊時經常今日唔知聽日事, 冇辦法洗衫 (明知衣服洗了沒有時間乾我絕不會洗, 把濕衫放進袋中是很恐怖的)。呢件事對於我黎講係好嚴重, 因為本人好中意洗衫, 見到乾淨衫就著完會好panic, 玩都玩得唔安樂。 咁冇錢、被人偷野同遇到壞人呢? 嗯...都冇話唔驚嘅, 但驚都驚唔黎。相對之下, 我更加害怕的是: 不認同的工作、不合理的事和沒有同理心的人, 而以上各種, 幸運地很少在我的旅行中出現。 (Photo credit：生@發現號) 很喜歡一句說話: 「旅行使人變得謙卑」。可能因為窮, 可能因為萍水相逢, 我們反而不計算, 我們反而更真心。很多本來我覺得自己會怕, 或是會很受不了的事, 當我真正遇到的時候, 往往沒有想像中那樣可怕和難受。愈怕的事往往愈會發生, 到最後, 其實沒有甚麼好怕。 ——————————————————————— 《Working Holiday去邊好? 德國吖, 唔該!》現於各大書局有售，每售一本將會捐出港幣1元作尼泊爾振災之用，請各位多多支持! Fb: https://www.facebook.com/becauseofjourney Youtube: http://www.youtube.com/channel/UCEwyuKydnRpqvwKaNo0_pPA
