有睇開新假期，都可能見過呢間小鋪，荃昌商場入面既餃子屋。 其實未有雜誌介紹前，呢間小鋪都已經好火爆！ 之前係荃灣返工，lunch前都會叫定外賣落去拎， 當然堂食會開心d，因為堂食飲湯唔駛加錢，外賣就要加。 個湯真係諗起都想飲，YUMMY YUMMY!!! 我地黎過幾次，都知道D 餃係好大粒，所以如果未食過既朋友，真係唔好一次點太多！ 唔好眼寬肚窄啦，浪費就唔好！！ 麻辣菜脯，係送既，好好味！次次黎都忍唔住係咁食！ 今次我地叫多左個皮蛋，同樣好味！ Hava 話有D 辣，但我就覺得唔太辣，好惹味！ 主角！！！我今次叫左個粟米三色椒豬肉餃子，好清新，唔記得咬開比大家睇入面…… 另外Hava 叫左個咖哩薯仔豬肉餃，同樣好好味， 個咖哩味好濃，同埋入面d 薯仔係一粒粒有咬口，唔會煮到溶曬，推薦！ 之前我地仲試過煎餃，芝士、紫菜、京蔥羊肉，同樣好濃味 但我個人鍾意湯餃多d！ 食過幾次，都試過1-2次比錯煎餃，不過都體諒小鋪較忙，唯有再點/ 下次再食啦！ 鋪名：餃子屋專門店 地址：荃灣荃昌商場1樓58 號鋪
