很久之前，獨遊對我來說是不可能的事。 最大的原因有三：1.怕悶，逛街時想朋友俾個意見買唔買，好唔好睇都無，食野孤零零一個人，想食多d款色都唔得！2.怕有危急時自己處理唔到，好似迷左路、跌左銀包證件，係街暈低咁，叫天不應叫地不聞，勁慘！3.係最怕的：怕鬼！一個人住酒店時唔知點解就會好多野稔，間房有d怪聲又驚，唔敢關燈訓，之前睇過果d恐怖片情節、片段又會不停重播，好似床底會唔會藏屍咁… 於是乎就真係突破唔到呢三條底線，往往就只會和家人、朋友結伴同行。 但係一次偶然的機會，本來我和友人同遊日本，因為酒店太full,結果我們被逼只能訂了兩間單人房，於是我開始了最驚果樣，一個人住一間房：怕鬼。 當然最初都係唔慣，我每晚都要開曬燈、開電視、開埋手機音樂，但都訓得唔好。不過我又覺得自己一個訓又幾好，好free,沖涼唔洗關門，赤條條係房到行黎行去都得。過了幾晚慢慢克服到，就覺得沒有什麼了！ 如是這，係一次連假的四日假期真的開始了我的獨遊旅行。建議最初想試獨遊的也可以從短假期開始… 從此，我就愛上了獨遊！獨遊的好處，你想想也會覺得不錯的！ 1.先從訂機票開始：以往見到平機票，什麼買去程送回程，幾百蚊包行李等等心動之時，會四處問下有無人得，淨係問、夾時間已經用左唔少口水、精神，到頭來可能得果『吉』。如果只係一個人，見到夾到時間即訂，慳番唔少錢和時間！爽！ 2. Plan行程要夾一大班人又係麻煩，呢樣又話唔食，個樣又話貴唔抵，呢度唔想行，果度其實自己又無乜興趣，但朋友家人一齊就當然要互相遷就，咁樣又攪到一頭煙！獨遊自己plan自己，行完就去另一個景點，睇岩就買，唔洗等人，累又番酒店hea下又得，爽！ 3. 慳番排隊等位既時間。有不少既樂園會優先俾單獨的排隊輪候先，有時甚至唔洗點排就可玩到機動遊戲。若果餐廳等位，無預約又人數多的話有排等。一個人獨來獨往，想食乜食幾耐，想玩乜自己控制，爽！ 4.最重要的是獨遊可以令個人成長。平日若果結伴同行，自己便會依賴著對方，真係連路都唔會記。自己一個會事先好好準備，參考不少資料，做好資料搜集。平日不懂看地圖路癡的我會嘗試去學，當最後搵到那些景點會興奮到不得了！旅途中好多問題都要自己稔辦法去解決，感覺自己獨立了許多，相信自己的能力原來是那麼有成功感的。 獨遊後你會發現自己忽略了、收藏在不為人知的角落的你，在旅途中多了時間去反思，發掘了自己鮮為人知的能力，這些都未必能在團體旅行中感受的！ 或者你對獨遊還有些保留，但有些事情未試過跳出框框，你係唔知你既能力去到邊，嘗試是需要勇氣的，保持現狀當然係最保險！我都仍然好珍惜和朋友家人去旅行的機會，但有些機會真的是要個人經歷過後才會有新的感受！ 裸辭過後，我相信我會有更多的獨遊，不用躲在每日計算、精神困擾的工作下，出走看看這個大世界，我相信…我相信…我會有更大得著！ 想了解多些日本最新和旅遊資訊，可參考以下連結： https://www.facebook.com/happysharejp/ https://blog.ulifestyle.com.hk/blogger/happysharejp/ 聯絡電郵： happysharejp@gmail.com
