唔知大家對鰻魚有無一股盲目嘅追求，小妹有，真係有！自從學生時代食過7仔嘅叮叮鰻魚飯之後，自此迷上咗鰻魚，當時嘅叮叮鰻魚飯只售15蚊，但對於錢都唔多個嘅小學雞嚟講，呢個鰻魚飯簡直係大富人家嘅享受。 慢慢長大之後，小妹食鰻魚飯嘅進化史由7仔叮叮鰻魚飯 -> 港式連鎖快餐店大碗鰻魚飯 -> 日式連鎖店A鰻魚定食 -> 日式連鎖店B鰻魚炒飯，然後人愈大，就愈唔滿足於每次每次每次都係食多兩啖鰻魚都怕無餸送飯嘅情況。於是，小妹周圍去搵啲隱世埋名嘅鰻魚飯食。 基於小妹對鰻魚嘅渴求真係好大，所以最好嘅情況係可以做到三啖鰻魚一啖飯（好貪心添！嘻嘻！），終於喺一次誤打誤撞嘅情況下，小妹做到四啖鰻魚一啖飯！留意，係四啖鰻魚一啖飯！實在太幸福啦！ 望唔望到？一整條肥美嘅鰻魚！仲有小妹最愛嘅栗米同蕃茄做伴碟！配一碗珍珠米飯，仲有一碗味噌湯！除咗碗味噌湯係凍嘅之外，我覺得一切都不過不失，鰻魚有鰻魚味，飯有飯味，鰻魚無乜骨，飯嘅軟硬度又啱啱好，畢竟呢個肥美鰻魚定食都只係128蚊，好似係！ 不過，第二次再嚟食嘅時候，味噌湯係熱嘅，珍珠米飯依然係珍珠米飯，而肥美鰻魚依然係肥美鰻魚。唔同嘅係，條肥美鰻魚好 多骨之餘，仲韌到hihi，好似咬緊一扎鰻魚味橡筋咁 -_-！ By the way，小妹見到條鰻魚係叮返再上碟，不禁令我聯想到，條鰻魚係喺Sogo/一田/吉之島買完之後再叮熱上碟。 By the way 2，鰻魚定食唔一定要全條的，半條定食88蚊。 By the way 3，有興趣想知邊間嘅可以Facebook send個message比小妹㗎！ Facebook.com/happy.life.style.2016
