一個月前, 同朋友到尼泊爾行山, 去行一條可以話係全世界最出名的trekking, 叫ebc 全名係Everest Base Camp, 咁呢條路線既經歷就遲d再分享...... 因為今次分享既係我地四人行完ebc之後, 我地仲登上咗六千米的入門級雪山,!! 記住係入門級!! 同行有九個人, 最後會上山的只有七人, 包括有四個climbing guide, 一個porter 登上呢座雪山既原因: 第一 : 順路 第二 : 想挑戰自己 呢座山既位置, 係剛好係我地回程既時候遇上的, 看下圖, 我地會經過Dingboche, 跟著去Chukhung, 再去Island Peak. 咁係我地去到Chukhung之後, 領隊就會分發登山工具俾我地啦, 包括有頭盔, 冰斧, 冰爪, 保暖的行山boot, harness, 跟著會有一個繩索訓練, 因為到時會有一幅大約直90度的冰牆, 你係需要去攀登的, 咁我地之前已經有上網睇過係咩情況, 都會覺得自己應付到.... 第二日正式出發, 我地一口氣會行到去base camp, 原本會行再高d, 去high camp架, (大約五千六百米), 但領隊話high camp無水...... 焗住留係base camp, 意味住我地一日內要上一千米和下降一千米!! 話咁快就到base camp啦!!他們正忙於準備晚餐給我們的同時, 領隊同我地講凌晨一點出發攻頂.... 凌晨一點了, 走出營外, 抬頭一片星空, 超級好天!! 第一次在咁高海拔露營, 晚上還算睡得好, 天氣不算太凍 其實我著咗好多衫同褲, 加上我地有食高反藥, 狀態不錯, 但有個bad news就係其中一個guide唔舒服, 得返我地七個人, 接下來要上升大約七百米, 沿途無雪只有碎石, 有時還要手腳並用. 清晨六點, 到達雪線五千八百米, 雪線指冰川, 雪山冰雪累積和融化平衡之處, 亦即永久性積雪的下限, 以海拔高度表示!! 在此我們要換上裝備, 其實我地隨行還有三名climbing guide, 佢地負責幫我地拎較重的裝備, 煮晚飯既都係佢地!!! 其中一個還爬過多次珠峰...... 因為攻頂的關係,不需要用的物品可以放在這裡, 就係呢個時候我同另一位朋友犯了一個big mistake...... 呢個時候體力已經用得七七八八, 大家慢慢行, 去到一個位既時候我地都呆咗一呆...要行鋼梯過冰隙!! 咁當然無拍戲果d咁長, 但都足夠我地驚一驚, 我地一共要過兩條, 計埋來回, 即係要行四次!! 過完梯後, 終於見到山頂!! 但係我地面前既仲有一大幅冰牆要攀, 旅程先至剛剛開始, 太陽亦都完全升了上來, 避免會有雪盲, 要拎副超出嚟, 我另一個fd發覺.......竟然拎漏咗副超呀!!!! 我地都呆了一陣, 諗吓點算...呢個時候, 我地個guide只係講咗, big mistake...big mistake... 之後其中一個guide二話不說, 借咗自己果副俾我!! 而我另一個朋友就頂硬上, 唔用照上!! 唉!! Big mistake之後, 繼續行, 來到一幅冰瀑面前.... 過咗之後就轉入大直路, 中途都有d少插曲,例如有d繩用唔到, 要重新扣返好, 因為我地連水樽都無帶, 所以就咁食d雪!! 早上十點十五分!!!! 大叫一聲!! 登頂!!!! Island Peak!!!!!!!!!!!!好感動, 從來未試過辛苦, 因為真係好累!!上到頂後可以迎距離望到Lhotse, 大概逗留二十分鐘便要下山了, 因為如果再遲d, 當天氣一變, 很快便會進入雲霧中!! 下山又是另一個挑戰, 用游繩方式一直到剛開始的冰瀑, 當中有不少驚險場面, 其中一名朋友不小心在下雪坡時跣低咗, 差d跌落個冰隙, 當然我地有安全措施的, 佢自己都有用冰斧插落雪地避免再下滑, 我地個guide都即刻衝前扶返起佢!!點擊圖片放大 下午十二點四十五分回到雪線, 食少少野, 但無水飲..., 跟著換上普通裝備, 走回那條山路. 沿途無盡的碎石, 走了差不多兩個多小時, 當時已經好耐無水飲, 還有少少路程先到base camp, 我地的porter已經在不遠處, 手裡拎住四枝可樂等我地, 我立即跑過去, 接上他給我的可樂, 我一口氣飲了半枝!!!!!!!一個字!!!!!!!!!!!爽!!!! 回到base camp已經係三點四十五分, 終於可以休息一吓, 飲返杯ginger tea, 休息過後, 已經開始日落, 我地再慢慢走回Chukhung!!! 完.
