入黎睇下我哋個Blog嘅介紹啦~! >HamBlogger< 夜媽媽想食正餐但又唔知去邊度食咩好？旺角？M記？串燒？咁又唔一定嘅～今次小編誠意介紹深水埗呢度一間開到夜晚12點嘅Burger店。小編行返屋企嘅途中無意中發現咗呢間好似不太起眼嘅小店，入到去舖頭入面一個人都冇，嚇到個心離一離（諗諗下冇人係正常皆因小編好夜幫襯），但其實驚喜十足嘅呢！！ 個餐牌感覺上唔太多option…但睇睇吓發現…嘩嘩嘩！唔貴喎，價錢親民！最平嘅＄38就有；最貴嘅都只不過係＄64。如果想轉做set（包括飲品同埋雙色薯條）加多＄16就有 另外order嘢食嘅時候發現係開放式嘅廚房，完全唔洗擔心會唔衛生， 漢堡係由兩位鄰家小鮮肉認真製作㗎～ 小編個人十分喜愛食烤菇嘅，所以呢次就試咗個大烤菇牛肉漢堡($58)，就咁睇落個菇嘅面積同個包面不相伯仲，賣相唔一啲都唔輸洩㗎! 切開咗發現內裏乾坤，個包十分誘人，皆因啲煙係個扒滲出嚟(絕無誇張成分) ，加上漢堡扒嘅肉汁’baba’聲流晒出嚟，令小編心動了♥♥♥ 食嘅時候肉汁都無止境地流出嚟，仲要食到人地成張枱都係汁就知係有幾咁juicy。 ♦小小溫馨提示：女士們如果怕個包太大可以當粒菇係包面，食落別有一番風味㗎♦ 順帶一提，呢度啲雙色薯條（薯仔＆蕃薯）十萬個好食，係新鮮炸㗎！必食 Cashier前面亦有自助嘅調味區，如果想飲水都係自助式㗎！ 呢度仲有個巨形黑板畫咗啲有趣嘅Burger樣同埋自己嘅Facebook，Instagram資料，重點係側面有個好Vintage嘅裝飾板寫住FREE WIFI！！ 環境方面，乾淨得嚟又坐得幾舒服，燈光啱啱好，非常適合情侶拍下拖或者同朋友傾下計㗎！ ♥♥♥小編總括嚟講滿意得很，推薦大家得閒可以去試下，食完行多兩步仲可以去附近食埋糖水添♥♥♥ 店名: Neighbor 地址: 長沙灣元州街162-168號天悅廣場地下A8號舖(地鐵長沙灣站 A2 出口, 步行約5分鐘) 電話號碼: 3702 0958 營業時間:星期一至日: 13:00-00:00 推介：★ ★ ★ ★ ★ 價錢：★ ★ ★ ★ ☆ 視覺享受： ★ ★ ★ ★ ☆ 口感： ★ ★ ★ ★ ☆ 環境： ★ ★ ★ ★ ☆ 等候時間： ★ ★ ★ ★ ★ 此文章由二號小編李冰冰撰寫
