話說第一次坐香港航空返澳洲。見佢有航班去Gold Coast, 就諗住膽粗粗試下坐去Gold coast, 之後再坐內陸機去Melbourne。去Melbourne, 2日一夜，去d 必去嘅名勝先~ 去唔晒嘅，咪下次再去啦~2日一夜都夠玩嘅... HX015, 19:50 起飛。由於我哋遲咗小小check in, 去到閘口已經排晒隊。今個trip 仲帶咗Sally 一齊去～影返張相留念先~ 上咗機，今次係A330。成架機都好紅... 好，做返d 遊客嘢影下機翼先~ 由於班機係夜晚時間飛，Gumii仔就由頭瞓到尾～話咁快就去咗攞行李。咁啱見到同機個幾個相同嘅Minion 喼，睇落真係好多人用。 去到Gold Coast 機場要自己拎咗行李先再check in 再坐第2架飛機。去到都係8：30am 到。要等2個半鐘。坐Qantas 嘅好處就係可以好早咁check in, 入到禁區慢慢坐。咁就當然去嘆返杯Moccha， 望住個靚景等啦~ 我哋見到啲飛機都幾快來，幾快走。見佢來一班機，落晒客，就上返客，有走。澳洲人d 效率真係好快～ 估吾到坐Domestic 都有嘢食。炸雞薯仔都唔差。都算幾好食。有大份。不過如果可以冇咁油就好喇。。。 話咁快就到la!! Super興奮嘅心情～～我哋仲係Budget Rental租咗架車仔。一日都係$68AUD 到。 跟住就出發啦~ 我哋決定返咗酒店梳洗下先。13個鐘頭飛機再加上今日先返咗成日工。我要沖涼啊!! 我哋住Melbourne Street 嘅Ibis Budget。酒店唔包泊車，所以泊咗係酒店附近嘅停車場。都要$45AUD 一晚 .(呢個停車場係同酒店合作先有咁嘅價錢。如果唔係一日泊車都要$7x～$8x 一晚架)。泊完車就都以經係4點幾，周圍行下先~ 行程諗住食完飯先去Flinders Station 影相。 但路上見到有啲小手信買，真係好得意。 沖完涼過天道仲好光。但已經係6點幾，又到食飯時間～要去搵食啦。去到Melbourne 搵食就當然係去佢出晒名嘅Degrave Street. 成條街都好有特色好靚。好古典feel~ 唔知係唔係太早，仲未係迫爆人! 同香港真係好唔同。 行行下仲正到呢間舖頭好好笑。知道d 女士好驚Carbs, 食多咗咪會肥囉。呢間舖頭仲話食完佢哋啲Burgers 係唔會肥架~ 不過阿男朋友仔似乎唔係好想食burger.... 行下行下，男朋仔好似搵到想食嘅嘢啦喎~ 我哋一路行一路影相都影咗45分鐘有多。已經餓到傻咗。 我哋入作呢間叫Eliana Lulu, 貌似食pizza, 食意大利嘢。但係我哋睇唔明個menu, d 英文字實在太難啦。都係叫個waiter 介紹有咩出名~ 個waiter介紹咗我哋叫一個羊，一個Salad, 但男朋友仔又想食pizza。咁就叫咗3碟。點知我哋叫到又d 後悔... 等緊餐嘅期間，我哋就當然係港女上身。影!相! 今次當然係出賣男朋友系列~佢後面嘅塗鴉好友特色，好真實。Melbourne d塗鴉係靚嘅，所以先有條塗鴉街呀嘛～ 我哋仲叫咗杯Sangria Red ($7.30)。Gumii 仔其實唔係好飲得酒，所以覺得好濃酒味，有d 苦。辛苦你啦男朋友仔~ 我哋d 嘢食到啦~ 來頭盤嘅有店員介紹嘅羊。好好食。仲好大碟。d 羊好soft,口感好好。最特別係上面d 汁，酸酸甜甜咁，好開胃。 之後就上咗個pizza 啦。我哋叫咗個That's That ($19.5AUD)。澳洲d 牛油果真係好新鮮，好好食。平時係香港都唔會買牛油果黎食，但去到澳洲必食item number 1!! 加上我哋見到佢個pizza 係入咗個好大嘅勳爐入面整。食得出有種碳味。但碳唔重，所以好特別好好食。 最後上嘅就係我哋叫嘅Roasted Vegetable Salad ($19.5AUD)。我哋見到個size 之後有d 後悔.... 實在太多嘢食啦)0( 點算好... 但係佢真係好吸引。 最後我哋係食唔晒就走人。。簡直係飽肚上頭頂。。。之後就去咗做番d 遊客會做嘅嘢 （其實已經嚟過Melbourne 10幾萬次....), 影返張Flinders Stations 嘅遊客照~呢個Flinders Station 1927 年嘅時候已經有架啦. 仲要係澳洲住要嘅火車站（想當年嘅時候） 之後，原住Flinders Station， 就可以行到Yarra River, 連到去Crowns Casino. Casino 來講， 佢係澳洲第2靚嘅Casino (我覺得 hehe) 但係我哋坐咗成日飛機，行到冇咁飽，我哋就返咗酒店... e 家老啦，唔通已成讀Uni 個陣咁啦，要休息啦. 話好未完，我哋就返咗酒店sleep Pig lu~ 聽日行程好趕，所以都係早d 訓... 今日Part 1 完， 繼續Part 2 Coming soon~ ♫ Follow me ♫ Facebook: https://www.facebook.com/gumii.kwm/ Instagram: https://www.instagram.com/gumii.kwm/ Website: https://gumiiaustralia.store/
