復活節假無野做去左西貢散步，由將軍澳搭巴士入去大約30分鐘就已經到達西貢市中心，一落車會見到有間火山探知館，係西貢會有間火山探知館咁有趣﹖ 就緊係入去睇下啦~ 原來主要係介紹返香港位於萬宜水庫附近嘅地質公園六角柱火山岩，同埋西貢對出嘅海岸附近原來都係由億萬年前由火山爆發而形成嘅一D 細島嶼，同埋主要介紹下地震同火山爆發嘅形成，咁啱我地去到嘅時候有導賞活動，職員畀我地入去一齊聽，導賞老師曾生講得好生動有趣，太留心聽講所以無咩點影相，如果大家有興趣可以去睇下聽下，原來仲會有導賞團搭船出去欣賞咁靚嘅大自然奇景tim~ 等我下次有機會都要JOIN 呀~ 萬宜水庫東霸縮圖，成幅牆咁靚嘅六角柱火山岩石真係好想親身去睇下 (詳情可以去火山探知館 網頁到睇下架~) 網上圖片 去睇完火山岩石行返出去搵野食，見到有間寫著魚燒嘅鋪頭好似幾吸引，好耐無食過呢類魚燒啦，一於買黎試下~ 魚燒粒魚仔細細粒入面係吉士醬，鋪頭話係100%牛奶做嘅，外層口感似蛋糕仔，吉士醬唔會太甜，而且新鮮暖笠笠，唔會太濟，20蚊有4粒魚，感覺貴左少少，但試下都值得~ 西貢適泊魚燒 鋪面 細細粒魚仔 魚仔入面係吉士醬，鋪頭話係100%牛奶做嘅，外層口感似蛋糕仔，吉士醬唔會太甜，而且新鮮暖笠笠，好正~ 由海鮮街一直行入去，去到海傍街，個邊無市中心咁多人，仲有好多Cafe 可以坐下，但我地無去Cafe 坐，繼續行仲有大大舊茶粿食~ 我地買左一盒南瓜紅豆餡嘅茶祼，舊茶祼同手掌差唔多大，仲要係熱熱地，不過個皮就厚左少少而且食落無咩南瓜味但夠煙韌，入面嘅紅豆餡應該係自己整，見到有紅豆蓉仲有少少未蓉得晒，而且唔太"甜爺爺"，值得畀返少少分~ 個皮就厚左少少而且食落無咩南瓜味但夠煙韌，入面嘅紅豆餡應該係自己整，見到有紅豆蓉仲有少少未蓉得晒 之後行返出去西貢碼頭，可以睇下漁艇漁夫同岸上嘅人一買一賣，個感覺好似去左泰國咁都幾得意~而且一直向前行仲有個小市集睇下野行下街真係好似去左旅行咁~沿路一直行入去行約2K 左右就有一個沙灘仔，仲有泰國餐廳同BBQ 場，不過見差唔多天黑要返出去啦~ 其實由將軍澳入西貢搭巴士都係30分鐘內，而且有好多地方可以坐下休息下，唔似離島咁逼咁多人又無咩地方可以休息~等我下次放假再入黎西貢Hea 下先~ 點擊圖片放大 +4 --> 想知更多好玩好食好去處，立即Follow Instagram/Like Facebook Search: Greenandhomecook
