點擊圖片放大 +2 第一次去佐敦食尼泊爾菜🇳🇵，上網見到好多人話呢間The Jungle裝修幾有特色，特登同妹妹一齊去試下。.預先做過功課點咗啲特色菜，另外店員都介紹咗啲茶式俾我哋😆。. 📍墨西哥辣椒奶酪卷（$78）Jalapeño Cheese Rolls (Golden Pastry, Melted Cheese, Jalapeño Bits, Marinara Dip)同平日嘅炸芝士條好唔同，似喺酥皮卷住芝士去炸，本身裏面加咗墨西哥辣椒🌶️，味道刺激。. 📍尼泊爾餃子（$88）Momo (Nepalese Dumplings & Chili Chutney)Momo 同我哋食開嘅餃子賣相好似，點咗雞肉同豬肉各半，一共有9隻。每粒都大大隻，食落其實同平時中式嘅餃子差別唔大🥟，唯一喺中間嘅辣醬食得辣先好點。. 📍 香料醬酥炸球（$68）Pani Puri平日好多時喺印度菜式都會見到佢，炸到成個波咁賣相好得意[色]。外面炸得薄脆，中間加咗薯泥🥔、甜豆、洋蔥🧅同辣椒，另外佢俾咗個酸汁加落去一齊食，整體輕盈清爽🌿，味道唔錯。（唔好睇小佢中間嘅辣椒粒，如果好似草根咁食唔到辣記得拎返佢出嚟，唔係一定會辣到你喊🤣). 📍泰式雞肉披薩（$138）Thai Chicken Pizza (Shredded Chicken, Tomato Sauce, Sour Cream, Mixed Cheese)🍕 Pizza切開有8件，份量都幾足夠。配料有大量雞肉🐓、芝士🧀、番茄醬🍅、酸忌廉同辣椒。調味惹味香濃，雞肉入味帶焦香，Pizza底鬆軟而且烘得香脆，飽滯感唔強。唯一係如果酸忌廉可以再酸啲味道應該會更突出，Pizza嘅辣度都幾高🥵，食唔到辣嘅要注意啦。. 📍傳統尼泊爾米飯拼盤（$118）Kirat Traditional Set (Cumin & Turmeric Rice, Pork & Mustard Green, Fremented Soyabean, Fremented Leafy Veg, Blood Sausage, Nepalese Tamarillo Chutney, Dried Buffalo Jerky, Niger Seed Chutney）呢個係傳統尼泊爾菜式🇳🇵，孜然姜黃飯配有好多特色嘅尼泊爾小菜，包括醃製豬肉、青菜🥬、發酵黃豆、血腸、尼泊爾醬、水牛肉乾、葵瓜子醬。只能夠講口味真係食唔慣🙈，佢嘅牛肉乾真係好硬，而且配菜食落好多都似菜乾咁，再加上尼泊爾獨特嘅香料，平日唔會喺中菜見到，第一次食真係唔係好啱口味。. 除咗個餃子同個飯，基本上所有嘢都係辣嘅，唔食得辣嘅草根食到流晒大汗🥵。但食物唔錯，如果食得辣嘅應該會食得好過癮。值得講嘅係呢度嘅服務真係好好[爱心]👍🏻。客人好多，夜晚基本上都Full House，想嚟試吓尼泊爾菜嘅都係book定枱會穩陣啲😆🤟🏻。.The Jungle (佐敦)佐敦廟街273-275號寶發大廈地下3號舖.#草根食在佐敦.IG URL: https://www.instagram.com/p/CHfLi82FoNL/?utm_source=ig_web_copy_link.............. .________________ @the_junglehk #rice #pizza #spicy #thejungle #springroll #friedfood #momo #dumplings #dumpling #尼泊爾 #chicken #PaniPuri #cheeseroll #佐敦美食 #food #yummy #hk #hkig #hongkong #香港 #佐敦 #meat #love #Kirat #dinner #jordan #potato #potatos #napel
