早幾年都經常出入萬麗海景咖啡廳食自助餐，但前排餐廳大裝修，改名為Food Studio。 首先餐廳增設了廂房，係自助餐中好少見，好適合家庭聚會之用，而且原先入口處的走廊位，亦已經改成卡座及高腳椅桌，看來可以作Happy Hour。 首選全晚最吸引我的，就一定任食即蒸波士頓龍蝦，仲要係無間斷任食喎。新鮮已經無得輸，蝦肉白雪雪又彈牙，大大話話消滅了兩隻，滿足感爆燈。 供應時間為晚上6時30分至晚上9時30分。星期一至五：成人收費為$932.8小童收費為$558.8。若然經官網訂枱可響75折優惠，成人收費$720.8小童收費$431.8。 星期六、日及公眾假期，收費為成人$1009.8，小童為$613.8。經折扣後，成人為$780.3，小童為$474.3。 若果想盡興，又可以加錢 free Flow Espresso Martini（$168），講真，又確實幾香滑。 海膽意大利飯今次自助餐其中一個亮點，莫過於海膽意大利飯，不單煮至al dente，仲要最後放上新鮮海膽，豐腴到極，而且份量啱啱好，絕對不會打爆大家既胃納。 刺身點擊圖片放大 有新鮮牡丹蝦、帶子、三文魚、吞拿魚及鯛魚，解凍處得相當好，不單令肉質軟熟彈牙，更加沒有雪味。 海鮮點擊圖片放大 +2 大堂入口處的凍海鮮區，有齊波士頓龍蝦、麵包蟹、扇貝、青口、沙白及海蝦，refill得都好快，反而刺身有時候都未必切得趕上人龍，所以建議先食凍海鮮，再稍後時間食刺身。 點擊圖片放大 雜錦壽司又有另一亮點，就係海膽魚子醬紫菜塔可（Taco），海膽加魚子醬，可以話無得輸的組合。 如果胃部仲有空間，可以試下三文魚壽司、吞拿魚壽司、蝦壽司及墨魚壽司。 湯品 燉湯是必然之選，今次係蟲草花螺頭燉上肉，好夠火喉，入口一陣醇香，實在忍不住來多兩碗。 另外更有法式洋蔥湯及蟹肉冬茸羹，兩者都給燉湯比下去了。 龍蝦喇沙湯麵 好多朋友都知我係澱粉質怪，就連食自助餐有時候都會消滅多一兩碗，今次都不例外，因為有半隻龍蝦上，湯底辣辣地又香滑，又多一個必食推介。 Carving Station 原隻烤乳豬上，但並非芝麻皮，油脂在皮下溶化，帶來陣陣油香，送酒一流。 真心推薦烤牛肋扒同燒和牛，尤其是和牛燒至中間呈嫣紅色，肉味濃郁。 當然少不了燒羊架及烤老虎蝦。 熱葷 咕嚕肉收汁處理得相當好，沒多餘的醬汁，外層微脆，甜酸度拿捏得準。 龍蝦伊麵又係比人圍攻的熱葷，當然，龍蝦自然是消失得最快，其實伊麵蘸了龍蝦汁仲惹味。 麻辣和牛三角肉真係好多值租菜，和牛都要編入熱葷類，麻辣口味刺激食慾，正。 豉汁蒸白鱔原籠蒸白鱔真係好吸引，勁厚肉又無泥味。 炸魚餅係受忽略的一群，真係好香魚味同軟綿。 點擊圖片放大 其他熱葷有炒蜆、香煎盲鰽魚、烤豬肉串、烤三文魚、四季豆煙肉腸、蝦餃及奶皇包，似乎好適合不同年齡層的朋友。 燒味燒味有豉油雞、叉燒及燒鴨，同行朋友大讚叉燒，又真的不錯，外層蜜味豐盈，有嚼口帶焦香。 Cold Cut 及芝士 沙樂美腸及豬肉腸是必然常客。 芝士類有黑松露車打芝士、車打芝士、高打芝士、山羊奶芝士、意大利淡芝士以及布里芝士。 但似乎伴碟的新鮮無花果仲得我心。 大家切勿遺忘魚子醬魔鬼蛋。 點擊圖片放大 自家醃製三文魚沙律、華都夫沙律、醃紅菜頭火箭菜沙律以及煙鴨胸羽衣甘藍沙律，想食得健康，當然不能少。 頭盤有泰式鳳爪及小金盃。 甜品 自助餐好少見即煮香橙班戟，味道有點偏酸，但有時又未必要求太高。 點擊圖片放大 +6 其他甜品有巴斯克蛋糕、紅絲絨蛋糕、紅莓朱古力蛋糕、雜莓杏仁撻、柚子牛油蛋糕、菠蘿檸檬椰子蛋糕、抹茶林明頓蛋糕、木糠布甸、馬德蓮蛋糕、紅豆糕檸檬蛋白撻、開心果泡芙、tiramisu、朱古力撻、芒果布甸。 小朋友就好鍾意朱古力噴泉，因為可以配棉花糖同水果，親力親為好開心。 Homemade雪糕 雖然只得四種口味，但全是Homemade Gelato，誠意十足，當中包括了港式奶茶意大利雪糕、開心果意大利雪糕、朱古力、意大利雪糕以及芒果雪葩。 水果種類幾多，有菠蘿、蜜瓜、哈密瓜，西瓜、柑橘以及蘋果，食完大餐，來點水果清清腸胃最好。 @renhongkong#RenHK#FoodStudiiHK酒店專頁 : Renaissance Harbour View Hotel Hong Kong 地址 : 灣仔港灣道1號香港萬麗海景酒店閣樓 電話 : 25846973 / 28028888 味道 : 4 環境 : 4 服務 : 5 衛生 : 5 抵食 : 4 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
