過去既母親節，大家去邊度慶祝？點都好，可以的話就不如留港消費。今次就介紹歷山酒店既自助餐，尤其是相對於第一次去，家陣感覺佢係越做越進步，加上地點就腳，由炮台山地鐵站沿天橋行過去幾分鐘就到，超方便。供應期由即日至 2025年6月28日星期五六及公眾假期前夕晚上6時30分至9時30分（ 不適用於 6月14日）網上商店預付七折折實價連原價加一成人$550.4/ 長者星期五$397.6/ 星期六及公眾假期前夕$454.4/ 小童$278.4/兩大一小 $1135.6 而父親節當天，每圍送上白酒一支及水杯。 詳情可上KK DAY 官網睇睇。 ( KK DAY 優惠傳送門 ) 點擊圖片放大 焗時令海鮮袋配蒜蓉包原包送上，份量是按人頭計，材料非常豐富，有蟹腳、帶子、青口、海班片、海蝦及魷魚。 上檯時服務員會把袋剪開，熱辣辣地倒出，用蒜蓉包沾一下湯汁，就更惹味。 即開美國生蠔另一個亮點是即開美國生蠔，不過每次只限取三隻，以保持新鮮度，而且就算是美國蠔，都已經不是大而無當的級數，都幾平均下。 生滾粥即煮的蟹粉鮑魚海鮮粥，內有鮑魚、海蝦及青口，粥底幾綿，不錯。 刺身係香港自助餐中，歷山的雖不是最強，但已經好夠誠意，有紅蝦、赤貝、帶子、八爪魚、吞拿魚、油甘魚及三文魚，晒多而且質素好好。 香煎鵝肝好邪惡既煎鵝肝，就最好即刻食，油香滿滿的感覺真好。 海鮮有蟹腳、青口、凍蝦及翡翠螺，種類不多，但質素取膀。 點擊圖片放大 熱葷點擊圖片放大 中式有椒鹽大蝦、辣汁煮翡翠螺、蠔皇蝦膠釀海參 、鮑汁螺片燴花膠、清蒸沙巴龍躉、翠綠花姿蝦仁及蒜香砵酒汁燴鰻魚。 話時話，所有中式熱葷都食均，好有宴會菜的感覺。 西式有必食既紅酒汁燒牛小排以及外層香脆的芝麻脆魚柳伴芒果醬。點擊圖片放大 其他仲有香煎豬里脊配蕃茄醬、檸檬香芹忌廉蜆肉長通粉、 烤三文魚柳配香橙牛油汁、松露醬百里香烤薯仔及芝士忌廉焗西蘭花。 鐵板燒除了牛排，又有雜錦串燒，有菠蘿、牛柳粒、牛舌及大蝦。 燒菠蘿真係好正，又甜又香。 點擊圖片放大 沙律想食得清少少，可以試下佢地雜莓蟹肉彩虹青瓜沙律、香芒薄荷菠蘿海鮮沙律、薯仔沙律、紅菜頭沙律、蘋果沙律或意粉沙律 。 點擊圖片放大 Cold Cut有煙挪威三文魚、莎樂美腸、凍肉腸同埋巴馬火腿配蜜瓜。 湯品燉湯我最鍾意，同太太一人一盅羊肚菌花膠燉雞湯，醇厚芳香，甜美可口。 另外兩款湯是南瓜蟹粉素翅羹及粟米忌廉湯。 甜品 雪糕是Movenpick有瑞士朱古力、雲呢拿、草莓、Espresso、椰子以及薄荷，全部都係迷你版，既衛生又可以食多幾杯。 點擊圖片放大 凍櫃內有木糠布甸蛋糕、栗子蛋糕、朱古力慕絲杯、柚子凍糕、香蕉蛋糕、水信玄餅配沖繩黑糖、蝶豆花布甸、意大利奶凍、焦糖布甸。 點擊圖片放大 另外有雜錦曲奇、蛋白杏仁茶及班蘭雞蛋仔。 講真雞蛋仔又真不錯，香脆的外層，配杯雪糕無得輸。 太太就鍾意個蛋白杏仁茶，夠甜滑又養顏。 飲品有齊紅白酒、啤酒、汽水、橙汁同蘋果汁，啱晒我。Facebook 專頁 : 歷山酒店 地址 : 北角城市花園道32號歷山酒店大堂樓層 電話 : 3893 2868 味道 : 4 環境 : 4 服務 : 5 衛生 : 5 抵食 : 4 位置 : 4 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
