計計下,今日都4月中打後,好快就到母親節,諗到去邊度慶祝未? 與其要四圍同人逼,又要食套餐,倒不如食好少少,而今期六國酒店推出既《華麗盛宴•自助晚餐》就好多海鮮菜色,好啱喜歡食海鮮人士。基本日子收費為:星期一至五 全時段 1800至2215 折實後成人每位$738 / 小童$448特選時段 A) 1800至2000 B) 1830至2030折實後成人每位$638小童$348凡於訂座起3日內繳付全數,可享額外75折星期六至日及公眾假期 ( 5月11日及12日除外 )全時段 1800至2215 折實後成人每位$768 / 小童$478特選時段 A) 1800至2000 B) 2015至2215折實後成人每位$668小童$378凡於訂座起3日內繳付全數,可享額外75折母親節及其前夕 (5月11日及12日 )全時段 1800至2215 折實後成人每位$788 / 小童$498特選時段 A) 1800至2000 B) 2015至2215折實後成人每位$688小童$398凡於5月3日或以前訂座並繳付全數,可享額外8折海鮮 除了生蠔,大熱海鮮一定係波士頓龍蝦,質素不俗,好多膏,解凍亦啱啱好。 而同樣多膏就係咖啡蟹。加埋青口、海蝦、雪場蟹腳及翡翠螺,陣容已經不錯。湯 西湯是干邑龍蝦湯,好香又夠滑,質地濃稠,其實好啱配以麵包。而中湯係竹絲雞螺頭燉豬展,好有家庭老火湯的感覺,好醇香。鐵板燒點擊圖片放大 串燒陣容真係豐富,計有牛舌、魷魚串、雞腎串、海蝦、雞軟骨、雞翼同埋菠蘿。牛舌厚身有肉汁、雞翼皮好香脆而菠蘿酸酸地幾開胃。Carving Station點擊圖片放大 來一片 medium rare 的牛扒,用肉汁配以Yorkshire Pudding,味道啱啱好。點擊圖片放大 仲有熱辣辣即切既片皮鵝,油香滿滿的,加埋京蔥同海鮮醬,用薄餅皮包起一齊食,真係人間美味。 雖然邪惡,但偶爾來一件香煎鵝肝不過份吧!點擊圖片放大 除了正常菜式外,每晚都有特別節目! 而今晚就是堂弄鮑魚鴨掌以及火焰雪山。在座每位客人都可以獲得一份, 雖然本身已經好多海鮮菜式,但人總係想試多幾款。熱葷從未見過熱葷類咁多海鮮,煮法仲多元化。 酥炸生蠔外脆內嫩,蠔味重。 鮮蕃茄紫蘇葉炒大蝦酸酸地幾醒神開胃,蝦肉亦夠彈牙。 清蒸星斑火喉恰到好處,魚肉嫩滑可口,醬油調教得宜,無得輸。 芝士蘑菇焗蟹蓋材料豐富,芝士味同蟹肉好夾,平時食一隻都要一百幾十,家陣可以任食,正。 鮑汁燴花膠花膠夠曬滋補,男女都啱,又係可以食多幾隻。 蒜蓉粉絲蒸扇貝係屋企都可以整到嘅菜式, 其實個人覺得粉絲仲吸引,吸收曬扇貝嘅肉汁,又有蒜香,非常惹味。點擊圖片放大 加埋北菇海螺扒時蔬、海鮮茶碗蒸及芝士白汁焗龍蝦鉗。 海南雞同行朋友係每餐無雞不歡,海南雞非常出色,有雞味又嫩滑,朋友每次可以掃半隻,真誇張。點擊圖片放大 +3 其他菜色有紅燒獅子頭、韓式牛仔骨、意式炒雜菜、印度薄餅 、泰式雞肉馬莎文咖哩、瑤柱鮮蝦蛋白炒飯及拿破崙炒意粉,種類好多。 刺身 有齊八爪魚、鯛魚柳、吞拿魚、北寄貝及甜蝦,解凍同樣處理得好好,不妨整返碟雜錦試試。 另外,很喜歡雜錦角切魚生丼份量少少,不會太佔胃納。點擊圖片放大 +3 前菜、沙律及芝士有煙燻黑椒牛肉沙律、雜錦芝士、吞拿魚薯仔沙律、蕃茄Mozzarella芝士沙律、凱撒沙律、意大利火腿、豬肉凍批、莎樂美香腸、煙鮫魚以及煙三文魚。甜品 雪糕先係哈根大師雪糕,味道有朱古力、咖啡、雲呢拿、 Strawberries & Cream 以及 Summer Berries & Cream,全部獨立包裝,夠衛生。 至於甜品凍櫃就有白桃烏龍茶慕絲蛋糕、士多啤梨西瓜蛋糕、德國芝士蛋糕、法式蜂蜜檸檬蛋糕配海膽忌廉、檸檬乳酪忌廉馬德蓮蛋糕、杏仁茶燉蛋白、意大利芝士餅及荔枝梨子撻。點擊圖片放大 而旁邊亦有綠茶拿破崙、焦糖燉蛋、椰汁西米糕、葡撻同埋 Apple Crumble。加$78可以無限暢飲汽水及果汁,加$108無限暢飲汽水、果汁、啤酒、紅白酒及氣泡酒。Facebook 專頁 : 六國酒店地址 : 灣仔告士打道72號六國酒店1樓 電話 : 28663808 味道 : 4 環境 : 4 服務 : 4 衛生 : 4 抵食 : 5 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip