等了又等，餐廳終於可以半解放，總好過每檯小貓三兩隻，有幾多人晚晚撐檯腳吖！ 有時都想除低口罩，成班人嘻嘻哈哈，大杯啤酒先可以解壓。早排同朋友係紅磡海逸君綽酒店內扒房試過free flow生蠔同牛扒，雖然家陣已經加價，但依然抵食( 詳細分享 )。點擊圖片放大 今次轉轉口味，試下爐端爐，睇睇水準又如何？餐廳內分成多個用餐區，靠牆邊的多是二人座，想靜靜地同朋友傾計，又不太介意想睇師傅燒烤的，都是一個好選擇。相對而言，想睇下火光烘烘，聞到焦香味道，挑起食慾的，就一定要坐吧檯。點擊圖片放大 畢竟餐廳主打爐端燒，所以設有三個燒烤區，每區可容納12人以上，而各有一位師傅坐陣中央，相當之有氣勢。其實早兩年曾經光顧過，亦有朋友為我慶生，所以留下良好印象，而今次主要同幾位朋友試下 a la carte menu 內的菜色。 另外，若然閣下係大胃王，正好週末有放題「相撲手午餐」，逢週六，週日及公眾假期中午12時至下午2時30分供應，成人/HK$608 小童/HK$508，當然要另加10%服務費。每當師傅處理好食物時，便會用足4足的長條木板遞上，有時真佩服大廚的腕力，整晚做同一動作幾十次而面不改容。雖然主打爐端燒，但餐牌上依然有其他菜色。前菜ふぐ Dried blowfish河豚乾 （$180 ）蛍 いか一夜干しHotaru-ika ichiya boshi螢光魷魚一夜乾 （$160 ） 先來一份河豚乾及螢光魷魚一夜乾，伴以常見的沙律醬，同樣有嚼口，而且味道濃縮，聊聊天消磨時間最好。 うなぎ骨せんべいUnagi hone senbei鰻魚骨乾 （$180）しらす干Boshi tatemi iwashi白飯魚乾（（$120）再來是賣相很獨特的鰻魚骨乾，不過咬落要小心，很容易給刺傷口腔，反而白飯魚乾薄薄的一片，很容易便消滅了。 日本は新鮮な魚Air express日本直送鮮魚 （$800） 前菜過後，是刺身時間，是日點選了由日本直送的眼仁奈，白身肉很軟韌，幾個人分享啱啱好。 而魚骨不要浪費，一於拎去酥炸，佐酒一流。 ほっき貝Hokki kai北寄貝 （$360） 另一款刺身是北寄貝，肉質很爽甜，亦屬於自己喜愛的刺身之一（實情係差不多所有刺身都鍾意），不錯。 白ミル貝Japanese geoduck白象拔蚌 （$540）最後一款是白象拔蚌，嫩滑細緻的肉質，蘸點一下醬油來提鮮，誰會不愛？ 牛タンWagyu Ox-tongue和牛牛舌 （$240） 終於到主角出場，打頭陣的牛舌柔韌而富肉味，簡單的灑點鹽，真是人間美味。 日本砂肝Japanese chicken kidneys日本雞腎 （$140）兩款爽口野打孖上，雞腎的爽彈比牛舌強得多，送啤酒啱晒。 とうみょうJapanese snow peas leaf日本豆苗 （$120）用錫紙包好再烤，沒有難聞的臭青味，色澤翠綠幼嫩，正好清清味蕾。 味来とうもろこしMirai tomorokoshi味來栗米 （$200）白中透黃的味來粟米，烤至外層微焦，一咬穿，即時傳來甜美的感覺，好味。 殻付帆立貝Scallop in shell殼付帆立貝 （$360）火喉啱啱好，肉質絲毫不覺韌，吃得出的鮮味。 殻付岩がきKaratsuki iwa-gaki日本岩蠔 （$200 up） 超大隻，肉質肥美可口，蠔味濃，海水味輕盈，滿意。 銀鱈西京焼Cod fish西京銀鱈魚 （$290） 滿是魚油的香味，魚肉嫩滑到可以不用咀嚼，魚皮份外惹味，千萬不要錯過。宮崎牛肉 A4Miyazaki beef steak A4宮崎牛肉A4 (280g) （$980） 師傅細心地先將邊位油脂割開另外處理，燒到卜卜脆好香口。 而牛肉就烤至肉香四溢，質地鬆軟有嚼口，中間位更是呈誘人的嫣紅色，滲出少許血絲，好食到停不了。 意猶未盡，又見好傾，師傅即興送上幾串雞肉串，內裡夾有已刴碎的雞軟骨，烤得焦香又有嚼口，正。點擊圖片放大 食得肉類多，臨時追加沖繩苦瓜同露筍，雖說沖繩苦瓜比起什麼雷公鑿更澎湃，但老實講，在下係甘之如飴，爽口程度爆燈，我鍾意；而露筍大大條但又好爽甜，收貨。 すいみつもも シャーべットCoconut, Peach, Apple sherbet椰子﹑蜜桃﹑蘋果雪葩（$100） 甜品是椰子﹑蜜桃﹑蘋果三款雪葩，當然係互相share啦。三款中個人偏好椰子，內裡有著絲絲椰子肉，香味好突出；至於其他兩款都不錯，果香味好出，但個人覺得偏甜。整體而言好滿意，師傅掌火能力一流，而且揮灑自如，又好傾得，時間過得特別快。Facebook 專頁 : Harbour Grand Kowloon地址 : 紅磡德豐街22號海濱廣場二期地下 電話 : 2996 8438 味道 : 4 環境 : 4 服務 : 4 衛生 : 4 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
