換了是三幾個月前想去「十里洋場」食大閘蟹，晚間根本一位難求，但一個6點死線限聚令，即時打殘餐飲業。 畢竟有危就有機，靈活多變的香港人，將戰場轉至平日不太顯眼的下午時段。 繼「權八」及「安南」後，同集團「十里洋場」亦推出CP值超高的「經典淮揚下午茶套餐」，兩位用$338，當然要另收茶芥及加一服務費，不過睇完介紹，相信大家都會話抵食。 餐廳位處銅鑼灣，地點極佳，入流暢旺而且出入方便，內裡擺設充滿昔日老上海的調子，分割成多個用餐區，更加適合情侶用膳。 今個套餐分成「淮揚小品」及「精緻點心」兩大類，各以大蒸籠作區分，另有兩款粉麵（可選兩碗）及4款特色飲品（任選其二）。 淮揚小品 點擊圖片放大 +4 先以口感酸爽嘅「陳醋紅蜇頭」打頭陣，清清味蕾；當然少不了盡顯刀功嘅「蓑衣黃瓜」；很欣賞「水晶肴肉」的細膩肉香；而「金絲小排骨」及「四喜烤麩」味道正宗，絕不會令人失望，但個人最喜歡的，就一定係「黑松露珍珠燻溏心蛋」，將傳統的煙燻香氣揉合了黑松露的幽香，溏水蛋黃軟綿香滑，真是美味莫名。 中間是開半的BB鴿最吸睛。 套餐中亮點之一，莫過於「脆皮煙燻BB鴿」（每位半隻），BB鴿肉質結實，鴿皮瀰漫煙燻味，咬落微脆，若然可以配杯啤酒就正到一個點。 精緻點心（每款兩件） 無款點心都以獨立迷你蒸籠整齊擺放，再放入大蒸籠內。 先享用店方名物「金牌小籠包」，果然皮薄餡鮮，夾起包皮柔韌而不穿破，肉汁豐盈，個人覺得就算不蘸點任何醬汁，更能吃得出原有的鮮味。 雖然「十里洋場」主打滬菜，但想不到粵式點心依然游刃有餘，「帶子鳳眼餃」賣相可人，真的可以用精緻來形容，帶子肉質幼嫩，絕不會將貨就價，放上蟹籽及露筍，揉合了中日元素，令色澤多彩，很有玩味的氛圍。 「鮑魚火腿酥」外層酥皮鬆化，漲卜卜的賣相好吸引，餡料煙韌咸香，又是一道好啱配杯濃普洱的點心。 包點有「黑金流沙包」，包皮鬆軟，撕開兩半，內裡是熱燙的流沙漿，實在好邪惡，但又忍不住秒殺了。 湯麵（任選兩碗） 有平日太太好鍾意食嘅「嫩雞煨麵 」，麵條煮得好稔，近乎入口即溶的感覺，將雞湯盡情吸收，相當對辨，雞肉質地嫩滑，小小的一碗啱啱好。 而另一碗係「雪菜筍絲肉絲湯麵」，鮮香味美，麵條柔韌，加些少豆瓣醬會更惹味。 滋潤飲品（ 任選兩杯） 套餐包兩杯飲品，當然不會求其沖兩杯凍檸茶就算。 「楊枝甘露」除原有的芒果肉及柚子肉外，更加入蒟蒻令口感更佳。 而另一款係「麥米薏米檸檬水」，好香麥味，淡淡的酸甜，消減了不少油膩感。 仲有「菊花蜜桃柚子蜜」及「紅棗圓肉杞子茶」比大家選擇，係咪好「正」呢？ 地址 : 銅鑼灣恩平道28號利園二期1樓101號舖 電話 : 23385500 味道 : 4 環境 : 4 服務 : 4 衛生 : 5 抵食 : 5 位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
