沒有旅遊的日子，Staycation成了大家苦中作樂的良藥。點擊圖片放大 整個暑假一家都屈在家中，實在好想出外舒口氣，今個星期就走訪了銅鑼灣的富豪香港酒店。出發前的晚上閃電交作，雷聲轟隆，真的有點担心，但又好彩，臨行時竟然停雨，真係正如廣告所講「希望在明天」。酒店的位置極佳，旺中帶靜，對面是維多利亞公園，行多兩步，大型商舖林立，仲可以行下「激安」掃貨，的確幾啱怕悶晚香港人。由於Staycation提供24小時checkin服務，即係客人如果下午4點先入住，就可以第二日既4點checkout，總之非常貼心。套票是包含 Dinner Buffet 及早餐，而自助餐是由6點半起動，建議大家5點左右 checkin ，放低行李去食飯，時間啱啱好，晚飯後又可以去附近shopping 幫助消化。點擊圖片放大 +5 如果是一家4口入住，大可加錢upgrade至套房，共有兩間獨立房間及共用大廳，主人房更有按摩浴缸及企缸，同一時間幾個人沖涼都得。點擊圖片放大 +2 晚餐是位於一樓的御花園咖啡室，單是龍蝦已經有凍食同芝士焗兩款，當然仲有翡翠螺、青口、海蝦同蟹腳。點擊圖片放大 +6 熱葷中就最喜歡用上了麵包蟹同龍蝦去炒的黃金炒龍蝦及蟹，甜品就當然少不了芒果撻，或者講一句，回本位都幾多。 食完飯想郁下，大可去游下水，由於泳池位於「R」層，要搭電梯上31樓，再轉乘專用電梯，而開放時間是早上1030至晚上1930，大家想游水就要留意。點擊圖片放大 +2 泳池雖然不大，但屬於露天泳池，四周無遮擋好開揚，令人感到非喜歡靜態活動的，又可以去位於「B3」（0600~2345）開放的 GYM room，出下汗仲好瞓。點擊圖片放大 +2 由於我一家係下午checkin，所以訂房時已安排翌日的11點左右，可以慢慢嘆完早餐先再玩。若果好似我一家人去玩，仲要有小朋友就最啱，因為有適合一家人玩既「密室逃脫」，雖然話啱14歲以下小童，但我同太太玩埋一份都係及時逃出生天。點擊圖片放大 +7 比小小提示大家，總共要玩4個密室，一個比一個好玩，難度亦逐步提高，係香港有酒店提供「逃脫」的，一隻手數晒仲有找。玩完出身汗，見終於無落雨，一於去游水晒太陽。之後可以係附近開餐同行街，舒舒服服再休息下先走，一於玩足24小時。P.S : 由即日起至2020年10月31日，即可以最低HK$790起體驗一下酒店密室逃脫遊戲，已包酒店住宿一晚及早餐，又有包自助午餐或晚餐等不同優惠。 預訂專頁 : https://bit.ly/2ZTYKnTFacebook 專頁 : Regal Hongkong Hotel 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip
