萬榮Vang Vieng除左係酒吧重溫經典的「老友記」之外，另一個經典活動就係tubing。Lonely Planet都有介紹過。 http://www.lonelyplanet.com/canada/travel-tips-and-articles/76524 不過相比起坐車胎，小弟就揀左kayaking，自己落手落腳好似好玩D，而朝早就去caving。 報tour的時候阿老闆見我地有D猶豫，就話佢個tour已經有人報左名，又問我地鐘唔鐘意american girl，然後又話自己好鐘意。如是者，第二朝就滿心歡喜咁小跳步式跳彈去集合的地方，點知一睇，全部都係auntie uncle，仲係from貴州，中晒阿老闆的語言藝術。其實無得怪佢，阿老闆都無講過報左名的人係american girl，佢只係問我地like唔like啫... 收拾心情出發!! 點擊圖片放大 坐車北上約10公里的上游位置，再行一段路，就到洞口，然後坐車胎入去，一個黑嘛嘛的鐘乳洞。 入去前覺得麻麻地，入到去又覺其實都幾好玩 出返黎就食lunch，daytour是包lunch的，食完就坐車去一個淺灘上船。 2人一艇，仲有助浮衣，所以都好安全。若然同教練做partner，真係力都唔使出就乘風破浪 半路會有休息點，飲酒打波跳水乜都有 中途見到玩tubing的人，咁樣漂幾個鐘返town，睇落真係太過relax… 返到town大概4點度，食D野出返黎，又係睇日落的時候
