【新加坡】加東食玩行 貓奴文青小店 上次同大家介紹咗一落飛機食咩好。雖然我係一個吃貸，但係都唔可以忽略做偽文青嘅一面。今次就再由機場出發，又黎到加東，第一站當係醫肚，點先可以醫得Hipster啲? 第一站 Sinpopo Brand 新泡泡甜品小吃 地址︰458 Joo Chiat Road Singapore 427671 網站︰http://www.sinpopo.com/ 又婆婆又有個咁老套嘅中文名，一定以為佢係啲茶記﹑普通糖水鋪啦~~ 其實佢同awfully chocolate 又係同一個老細，同樣以黑白休閒白簡約風為裝潢但係佢係偏重於「本土元素」多啲。選擇包括有Chilled Pandan Soufflé, Orange Kaya Pisang Crème Brulee,, Gula Melaka Cake, Frisee Salad with Crispy Muah Chee. 又斑籣﹑又椰糖﹑又Muah Chee，見到個meun就覺得好有東南亞風情。 由於我又係食左湯匙叻沙，今次就只攻甜點。 必食︰Gula Melaka Cake 外層`薄薄既朱古力包住好濕潤既椰糖蛋糕同加映，so yum!!另外仲點左Nutella Tart(同樣都係popular item，一定唔會失望)同新加波好common 既飲品Fake’ s Bird net:P (比同行既人話waste money, 因為外面只賣2,3波子) 如果你要食正餐，依度一樣有架。 第2站 Cat Socrates 地址︰448 Joo Chiat Road Singapore 427661 網址︰http://catsocrates.wix.com/catsocrates 行過幾個鋪位就到貓奴所開既Cat Socrates！ ZOO-ZOO 係店既shopkeeper，係老細喺Cat Museum領養返黎。ZOOZOO完全唔怕生，仲會跟住啲客人行黎行去！(快D去J 下佢IG 啦!!( https://www.instagram.com/explore/tags/catzoozoo/) 除左玩貓，店內貨品種類好多，包括︰lifestyle, craft, illustration, home deco books & magazine，仲有本地作家既書同本地設計既飾物。 Cat Socrates既本店喺Bras Basah，當然唔少得shopkeeper ,Chestnut，得閒一定要探下佢地呀! 第三站 東海岸公園 (East Coast Park) 如果你唔係拎住好多行李，又或者唔係一落機就黎，咁你就可以去東海岸公園hea 過個下晝。依個公園好多人都會知會去，其實佢係新加坡最大既公園，有兩條十幾公里的慢跑徑同單車徑，旁邊亦有唔少單車鋪比你租車，大概6至10波紙一個鐘，唔算太抵，有興趣既朋友留意啦~~如果唔想踩單車，都可以安安靜靜做個美男子/美少女，沿路都有木椅﹑木枱，天氣好時看海就最正啦!
