[特別發表]: 30日遊記完成了! 終於鼓起勇氣去日本東京留學, 第一次做專頁, 將來所有有關東京生活的更新放在這裡! 剛更更新了 DAY 001! 喜歡就來看來交流來 LIKE! "遊記" 等版面尚在開發中! 來一齊交流日本事情啦!https://www.facebook.com/tokyogoodboyphilip 好孩子30天日本遊記之"終於唔係東京" 第一章: 好孩子先行一步... 第二章: 東京北海道家庭旅行 第三章: 在名古屋表示很興奮 第四章: 途中下車去東京巨蛋 第五章: 九州真是一個好地方 第五章: 在阪神最終於要爆了 第六章: 東京公幹絕對是享受 最終章: 如何回日本的新念頭 歡迎喜愛日本既朋友互相交流 blog: http://goodboyphilip.blogspot.hk/ facebook: https://www.facebook.com/goodboy.philip.5 點擊圖片放大 +19 前言: 七月尾母親大人話八月頭想去北海道睇花! 本身我九月頭會去 東京展覽公幹, 加上八月尾會去 TOKYO DOME 睇演唱會同劇場 公演, 加上全家亦就到時間, 呢次 30 天日本旅行就喺好自然 既情況下促成。 東京展覽既籌備縮短至個幾星期, 我上機前兩個鐘都仲做緊野而完全"支"唔到時間去編排行程, 好彩有阿妹同妹夫協力, 加上我女人既景點介紹, 今次行程全員都好開心, 遊記前段家族旅行好歡樂, 無價笑顏真係最高!!! 中後段我獨自遊日本仍好自由自在; 後段日本工作接觸日本人亦係好好體驗, 亦要感激 A 同 C 前輩既指導, 亦要多謝駐日 K 既翻譯, 仲有伙伴們既支持。呢個遊記無天馬行空既內容, 只係好簡單隨心而走, 但係回憶非常美好! 而且...今次旅行令我有一個新計劃... 好孩子30天日本遊記之"終於唔係東京", 北海道, 中部, 九州, 關西, 關東, 無統計過影左幾多幅相, 呢篇遊記我寫到一半, 預計有近千張相。一如以往, 如果我唔寫完, 係唔可以去旅行既! 哈哈哈...所以我要開始寫喇! 上機前兩星期好刺激, 我仍然為九月頭會在日本公幹展覽而準備, 因為母親大人八月頭想去北海道睇花, 工作籌備時間縮減 呢次30天日本旅行, 係突發下好自然促成既! 因為想, 就去做! 一次過實現幾個希望: 同屋企人去日本旅行, 然後向全日本 AKB 據點制霸, 睇埋東蛋 CON 同劇場公演, 最後公幹在日本。 母親大人話想去北海道睇花; 我要 SKYTREE 開幕後我一路都唔上去, 係因為想同屋企人去, 前個東京遊記提過要 2014 年實行, 話說九月頭需要 -- "終於唔係東京" 呢個主題, 其實係啱一半, 唔啱一半! 作為東京死硬派, 明明可以選擇去日本其他地方, 到最後都係要去東京, 係因為好簡單原因, 因為鍾意所以去! 不過, 今次除左東京之外, 有三個地方喺呢半年都 plan 緊一定要去: 九州福崗, 中部名古屋, 關西大阪。加埋家人想去北海道, 至少今次有一半時間唔係留守喺東京, 所以 "終於唔係東京" 囉! 呵!!! DAY 1 由東京入, 開始! 好孩子30天日本遊記之"終於唔係東京"第一章: 先行一步 哇哇哇! 好孩子30天日本遊之"終於唔係東京"第一章名為"先行 一步"! 咩野先行一步? 咁唔吉利? 今次三十日日本遊初段係 會同屋企人去遊玩, 不過我會早 D 到日本咁解姐! 哈哈... 機上娛樂, 當然係自備日本節目啦! 話說出發前兩個星期趕工趕到天昏暗地, 上機後即刻睇 SUMMER NUDE 同半澤直樹啊! 越近到步感覺越興奮! 當時望住日本呢片大土地我喺度諗, 點樣可以再逗留耐 D? 因為咁樣都唔係辦法, 我唔想再好似打止痛針咁! 我行緊一好長既路, 未必得但有機會! 我會努力行! 今次三十日日本遊, 唔只係同屋企人或者睇 CONCERT, 我仲有工作正經事做! 所以喺入境時依正手續報關打稅入境。 處理報關九個字後入境! 跟住小意外發生, 因為wifi 蛋未到手, 要用bmobile卡上網, DOCOMO 既 staff超好人! 雖然唔 suppose DOCOMO 負責, 都幫我打電話去確認, 最終攪掂! 好 helpful! 之後拎 JR PASS, 因為今次其中一個目標係征服日本四個據點! 呢個據點我係點都要去架喇!!! 無野可以擋到我!!! 十多年無搭過 Limousine 喇! 真係唔搭唔得! 今次我既行李實在太重太多, 兩個行李, 兩個背囊同埋一碌仲同我差唔多高既大棍! 坐喺巴士上, 聽住歌, 即使係塞車, 只要喺日本, 對我黎講都係一種享受! 搵到自己喜歡既地方, 多自在! 除左機場某段 Highway 我係訓左之外, 入到商業區時, 沿途既建築物幾有趣! 呢棟個外牆種滿植物, 夠哂綠化! 落車之後, 由巴士站行去酒店, 身上帶住五件大野, 移動力接近零! 更加無手影相! 直至經過戲院到見到 NMB48 先令我停低休一休息! 望見彩姐, 突然有番力行! 哇卡卡... 終於去到酒店, 放低行李! 好多人都會一到步就影下酒店房。點解? 唔想影到唔應該影既野...其實呢間酒店令我有 D 唔聚財。可能係因為開哂所有燈都仲係好暗關係啦... 今次住喺池袋, 手上有好幾間目標食店想試, 呢間前年已經想試, 咁近酒店夠哂方便! 仲有靚仔廚師川越介紹, 入去啦! 食店係食碟頭飯, 西式餸菜多款拼, 好得意! 賣相無咩特別, 但係撈埋一齊呢樣一啖, 嗰樣一啖又幾好食! 仲要店內播緊山下智久 SUMMER NUDE, 呢 D 真係真既日式生活喇!!! 話說當日我係戴住頂帽, 帽上面寫左三個字, 引來侍應黎傾計, 係時候練日文喇! 結果我講佢明, 佢講我唔明! 唔同短程旅行時間咁緊迫, 所以第一日無去其他區玩, 周圍遊盪入左 PACHINKO 睇下, GUNDAM 部彈珠機整得幾靚! 因為行李多之餘而且拉長三十日, 凡係重既野例如雜誌書籍都要忍手! 指原同優子! 哥咩啦西! 順住番酒店條路, 沿途好多機鋪, 睇下有咩好夾先? WOW! 路飛換檔姿勢既 WCF! 型!!! 去便利店買定水同 D 乾糧番酒店, 要開始整體一下黎緊大約既行程去邊! 行程好多變數同生命無常一樣(做咩突然咁感觸?) 任你事前規劃得幾好都無可能100%MATCH呢! 繼續睇遊記就知喇! 第一晚早 D 休息啦! 因為隻手比出境關員閂行李時夾到隻手;個膝頭用力推行李推得耐瘀左; 連條牛仔褲都爛埋! Well...旅行發生呢 d 事都係好有趣既經歷吖! 或者日本限定? 哈哈(笑)
