幾個月前得知「築地.山貴水產市場」落實於香港開業已經相當興奮 ! 今次有幸獲邀率先參觀市場,當然要訓身支持啦 ! FB : https://www.facebook.com/gluttonousmeow/ IG : https://www.instagram.com/gluttonousmeow/ 無錯 ! 話明係「築地.山貴水產市場」,最大賣點當然係由東京築地市場批發商 - 山貴水產每日直送新鮮水產! 水產市場位於灣仔碼頭二樓佔地11,000呎,風格有點似台北上引水產,於落地大玻璃前飽覽坐擁180度維港醉人景色絕對係一大亮點 !! 係指定時間內更可觀賞原條鮪魚解體表演,週末消閒又多個好去處啦 ! 場內主要劃分3大區域,分別是「即捕浜燒海鮮區」、「海鮮丼飯區」及「海鮮生蠔吧和立吞壽司區」。要留意3個區域分開獨立運作以及有不同餐牌,如果想試均3區美食就要有「邊走邊食」既心理準備喇 ! 場內亦有外帶區、梅酒區及販賣零食乾貨、日本水果及時酒等。 甫進場先到販賣零食乾貨區域,大部分貨源來自日本,有些更是「場內限定」,街外未必買到架 ! 而產品種類亦會不斷更新,每次去都可能有新發現架! 小朋友都應該會有收獲架! 經過零食區,左手面就係乾貨區域。有各式各樣海鮮製品、麵食及醬油,價錢與坊間大型超市差不多。 蟹肉罐罐好吸引 ! 仲有幾款可以選擇。 乾貨區域對面係日本水果區域,每日由日本直送,保證新鮮 !! 真係花多眼亂,全部都好想食呀! 當中「長野香印青提」最搶眼,顏色鮮明而每粒都漲卜卜咁,好卡娃兒呢 !! 日本水果區域近出口位置屬於時酒及飲品區,可以搵到不同款式清酒、呤釀、威士忌等等,愛品酒朋友記住要慢慢選購。 飲品區有不同飲料供不嗜酒朋友選擇。 當中對於呢兩款朱古力飲品比較有興趣,好似未見過嘛......? 達摩造型飲品好得意,飲畢個玻璃樽可以循環再用或作擺設,夠晒環保 ! 向來都係 UCC 粉絲,呢款無糖咖啡絕對有藉口嘆番罐啦! 開始向水產市場心臟進發! 黎到外帶區域,有不少刺身、壽司及便當款式選擇,付款後可以到碼頭的空中花園享用。 點擊圖片放大 外帶區隔鄰有冷藏食品區域,有售三文魚籽醬、乳酪及風乾火腿等食品。 點擊圖片放大 風乾火腿有不同月份選擇。 冷藏食品區域前看見人頭湧湧,原來係前天氣女郎黃婉曼主理原隻龍蝦包及墨汁海膽包攤檔。曾於東京修讀法國藍帶廚藝學院麵包課程,相信品質都會有保證 ! 墨汁海膽包 $68(左) │ 全隻龍蝦包 $168(右) 果然賣相都已經先聲奪人! 主打全隻龍蝦包以啖啖肉的波士頓龍蝦配上法籍師傅自家製作麵包,相當吸睛 ! 而墨汁海膽包亦唔輸蝕,麵包混入從歐洲入口墨魚汁並經24小時低溫發酵製成,誠意十足! 面層鋪上新鮮加拿大海膽,賣相似紙杯蛋糕感覺頗精緻。 眼睛開始有點疲勞,但幸好嗅覺依然活躍! 此時傳來陣陣燒烤香氣,原來不經不覺黎到3大必到區域之一「即捕浜燒海鮮區」。 故名思義「即捕浜燒海鮮區」賣點就係即捕即燒。魚缸內放滿生猛海鮮,有日本阿拉斯加蟹、波士頓龍蝦及南非鮑魚等等。即撈海鮮後,師傅會馬上烤製。 開放式廚房設計可以一覽整個製作過程,活生生龍蝦於烤爐上恍動......膽量小既朋友可能要避席了。 爐邊均設有膠板,不會被油濺到之餘又可清楚看到爐上食物,相當貼心 !油煙並唔算大,反之陣陣海鮮香味令人不自覺食指大動! 除了海鮮類亦有宮崎A4和牛及其他串燒選擇。 原隻波士頓龍蝦,肉質爽口彈牙而且厚肉,龍蝦鉗更預先敲碎方便食用,值得推介! 阿拉斯加蟹,多汁不會燒乾水份,肉質新鮮,唯份量不大。 帶子,味道相對普通而肉質及裙邊較韌。 宮崎A4和牛,雖然較薄切,但牛脂味濃,值得一試! 鰻魚,表層燒得香脆可口,值得一試! 免治雞肉串,實屬驚喜之作!免治雞肉肉嫩多汁,非常可口。最令人意想不到係當中有類似軟骨餡料,層次分明食落卜卜聲,好有驚喜!必試!! 粟米,燒得香口而且多汁,慢烤以保持水份,製作時間相對耐,屬心機之作! 稍向前移動便到達「海鮮丼飯區」,供應約10款海鮮丼,款款都好吸引! 有選擇困難症既朋友唔洗怕,你一定會發作! 較「浜燒區」開揚,若選擇靠窗位置坐下,可望到會展景觀。同樣開放式廚房可以趁機偷師呢! 特上山貴丼,賣相十分誘人。以原隻松葉蟹鉗、龍蝦肉、海膽、三文魚籽及十款角切魚生製作而成,相當豐富,令人垂涎欲滴!而最深刻印象係海膽,非常鮮甜且有回甘味;三文魚籽亦新鮮不會過咸;松葉蟹鉗及龍蝦肉亦鮮甜爽口,值得一試! 師傅建議可用三種不同方式品嘗,先直接享用;亦可用紫茶包著刺身和壽司飯自製手卷;或注入熱湯製成茶漬飯。 山貴特盛鮪魚丼,包括大及中拖羅、赤身、香蔥吞拿魚腩蓉及炙燒金槍魚扒。大拖羅油脂味香濃且鮮,其他就相對普通。 有興趣飲梅酒朋友可於酒牌獲發後到此區即埸淺嚐各款梅酒。 走到盡頭終於黎到最期待的「立吞壽司區及海鮮生蠔吧」!此區被落地玻璃完全包圍,樓底相當高並非常開揚寬敞。 立吞即是站著食既意思,只設132個立食企位,可以體驗日本飲食文化,頗有氣氛 ! 未食已經大飽眼福了! 望住無敵靚維港景色嘆刺身及生蠔,真係賞心樂事!遇上特別節日子更可觀賞煙花表演呀 ! 多款壽司盛、刺身及海鮮拼盤可選擇。 等候食物時順便欣賞維港黃昏也不錯 ! 呢個組合實在太震撼視覺啦! 海鮮拼盤 $368 原隻龍蝦、新鮮生蠔、帶子、翡翠螺及鮑魚,一邊嘆海鮮拼盤一邊欣賞維港景色,十分寫意。值得一提生蠔即叫即開,蠔味十足,淡淡海水鮮味充斥整個口腔。 壽司盛 Set E,手握壽司質素甚高,值得推介係大鮪魚腩壽司,油脂甘香並入口即溶。 另外,飲品方面推介焙茶,茶味香濃且有回甘香味。 字治抹茶,抹茶味香濃但可惜太甜。 晚上搖身一變充滿浪漫氣氛,相信好快會成為新約會聖地! 10月12日(三)正式開始試業,大家可以登入以下網址預約時間入場 : http://yamataka.optitable.com/tc/! 特別鳴謝公關們的招待及安排^^ 交通方面建議乘搭渡海小輪比較方便。 築地‧山貴水產市場 Yamataka Seafood Market Hong Kong 地址:灣仔碼頭2樓 (地圖) ______________________________________________________________________________ 記住 LIKE【為食貓呼嚕嘆世界】Facebook,一齊染上「為食」癮 !______________________________________________________________________________ Copyright © 2016 為食貓呼嚕嘆世界. All rights reserved. | 版權所有,歡迎轉載並請列明出處,謝謝!