由細到大都係一個不折不扣的「朱古力控」! 不單止好味，朱古力含安多酚，可以穩定情緒之餘又同時令人心情愉快! 其實呢 ~ 真係諗唔到拒絕既理由lol ...... (明明就係為食!!) Facebook : https://www.facebook.com/gluttonousmeow/ 出席活動前經過一間麵包店，見到一個漲卜卜好似朱古力磚既物體，忍唔住停低8掛下! 弊啦! 個名太太太邪惡啦「 五層流心朱古力芝士包」! 流心朱古力都唔夠，仲要五層 ~ 係五層喎!!! 原來每日都限量供應，售完即止。可能當日落緊大雨，未見有人龍出現。 精緻繽紛既蛋糕同款式多多既麵包真係相當吸睛!! 先付款並取籌號，另一位店員負責由凍櫃取出麵包並包裝。店員建議雪凍食比熱食更可口，那當然要試試! 店員更介紹麵包店原自奧地利，採用紐西蘭及澳洲 cream cheese並以天然酵母發酵，麵包會特別鬆軟。店員們都好有禮貌，扺讚! 拆開包裝時，陣陣朱古力香已經散開，再望外表真係催眠左我......差點兒忘記這是一個麵包!! 外層灑滿可可粉，內裡有幼滑朱古力芝士醬，兩者味道濃郁亦不太甜，但就唔覺有流心! 麵包如店員所講相當鬆軟，而且唔係空氣飽! 食完一啖又一啖，真係停唔到口! 下次要試埋五層流心芒果芝士包先得! 「 (索索鼻) 咩味咁香呢?」嗯......朱古力你唔食得架，乖啦!! 麥上日光 地址：尖沙咀金馬倫道32-34號福橋大廈地下D號舖 (地圖) ______________________________________________________________________________ 記住 LIKE【為食貓呼嚕嘆世界】Facebook，一齊染上「為食」癮 !______________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
