平時食雞都盡量唔食皮，但今次為左呢間由大埔開入元朗既人氣馳名炸肶店，就即管豁出去啦! Facebook : https://www.facebook.com/gluttonousmeow/ 眼見店內開始多人排隊，即刻落單先! 因為即叫即炸而且人多既關係，店員話大概要等15分鐘左右。除左炸肶，仲有其他小食同飲品。 開放式廚房令店內充斥油煙味，唔少人寧願係店外等。 新鮮炸起雞肶真係好熱呀!!! 好彩有支竹籤串起炸肶可以拎起佢吹凍黎食。我地因為分黎食,所以決定要自行即製「手撕雞肶」! 帶起手套一路撕一路嗌「好熱呀」、「嘩」、「真係好熱呀」，夾手夾腳好快就將佢拆骨，而炸肶香味同煙就一齊湧出黎! 炸肶大概有手掌心大小；而外皮都幾油但食落又唔會太重油膩感，炸粉唔太多所以好鬆脆；肉質好嫩滑，的而且確係好香口! 另外店內有辣粉提供，可自行決定份量。價錢黎講都比較貴，我地幾個朋友仔分就無咁肉赤...... 三多炸肶-元朗店 地址：元朗又新街40-48號榮豐大廈地下 (地圖) __________________________________________________________________________________ 記住 LIKE【為食貓呼嚕嘆世界】Facebook，一齊染上「為食」癮 ! __________________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
