由韓國番黎之後最念念不忘既就係當地炸雞，不但好食而最驚喜係 : 點解可以唔油又咁脆!!通常係香港都係食開2185個刑果間，炸粉比較厚會有食到上顎擦損流血既機會(係試過既!);亦試過d油多到流落手臂度......好彩又搵到間韓國連鎖炸雞店，即刻去試下會唔會都係咁好食先! Facebook : https://www.facebook.com/gluttonousmeow/ 為左避開人龍就揀左4pm下午茶時段，果然唔洗等位! 下午茶餐有2款選擇 : 炸雞或壽司 + 小食 + 飲品 ; 如果平日黎第二份餐會有半價優惠。 見到餐牌上既芝粉雞同韓國食既有9成相似，個心真係開心到離一離! 店內電視除左播K-pop之外，同時有宣傳片介紹。以健康作賣點，標榜採用100%優質橄欖油煮食，已於全球56個國家開業 ; 另外再創立炸雞大學培訓特許經營夥伴及研發改良食品。感覺係一間好有心既餐廳! 小食 : 沙律 + 海鮮餅 沙律 - 芝麻醬酸甜開胃，不過不失 海鮮餅 - 粉厚而且只係得八爪魚，係章魚小丸子 飲品 : 好巨型既可樂 炸雞 : 芝粉雞 + 秘制炸雞 芝粉雞 - 期待以久既芝粉雞果然無令人失望! 外層芝士粉咸中帶甜既味係會令人追住食 ; 炸雞層皮唔油夾脆 ; 雞肉多汁又嫩仲夠熱，同韓國當地炸雞真係有9成相似，正! 秘制炸雞 - 因為芝粉雞太出眾既關係而比下去了......但實在雞皮比較硬無咁鬆化不過唔油 ; 汁就酸甜帶少少辣。 芝粉雞真係值得一試，為食貓都舉手贊成! BBQ Chicken Premium Chicken 地址：銅鑼灣謝斐道500號 維安商業大廈地下(地圖) 時間：12:00 - 22:30 電話：3956 5395 ----------------------------------------------------------------------------------------------------------- 記住 LIKE【為食貓呼嚕嘆世界】Facebook，一齊染上「為食」癮 ! ----------------------------------------------------------------------------------------------------------- Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
