想變靚唔係一朝一夕嘅時，除左基本護膚工作要做好，平日一D生活習慣都要慢慢培養先至得架，要雙管齊下，堅持3個星期，相信你嘅外表會有明顯改善！Dr. BK Laser專家有以下建議：

1) 每朝先飲一杯暖水

相信人人都知多飲水好重要，但又有幾多個可以做到一日飲8杯水呢？多飲水有好多好處，除左有助紓緩肌膚乾燥缺水問題之外，長遠仲可以改善便秘同延緩衰老。Dr. BK Laser專家指如果做唔到每日飲6至8杯水，咁就先從每日早上一杯暖水開始啦！早上先飲一杯約250毫升嘅水，唔單止可以清理腸道，亦可以補充返晚間訓覺冇飲水所流失嘅水分。

2) 少飲凍飲

凍野雖然好飲，但長期飲對身體就唔係咁好啦，例如會傷脾胃同容易出現腸胃不適等問題，女士月經期間更加唔應該飲。Dr. BK Laser專家建議平時出去食飯除左飲暖水之外，亦可以飲下熱檸水、紅棗茶同熱菜蜜等熱飲，慢慢養成習慣，以改善身體虛弱、手腳冰冷、面色蒼白等問題。

3) 每日At Least食一個生果

「一日一蘋果，醫生遠離我」，多食水果對身體有益，每日為自己定立最少食一個生果嘅目標，Dr. BK Laser專家建議多食含豐富維他命C嘅水果，例如橙、奇異果同車厘茄等等，咁就可以同時帶黎美白同增強抵抗力嘅功能啦！

4) 臨訓前抬腿十分鐘

成日坐係office做野，平時又冇時間做運動，令小腿腫脹、出現水腫問題。想擺脫腿部浮腫問題嘅話，Dr. BK Laser專家建議每晚訓之前靠近床邊，以90度垂直抬高腿部10至15分鐘，唔單止可以舒緩成日累積埋嘅疲勞酸痛，仲可以改善小腿水腫問題，想要靚靚美腿都冇難度。

資料由Dr. BK Laser提供。

成功發佈