想肌膚長期保持最佳狀態，冇咁容易出皺紋、色斑，生暗瘡冇咁易留疤痕？咁就要透過提高肌膚免疫力，從而增加肌膚自我修復能力啦！睇下Dr. BK Laser專家講嘅以下幾種提高肌膚免疫力嘅方法啦：

1) 調節心態，放鬆心情

心情會影響皮膚，每日花少少時間「冥想」，可以放鬆身心、調節情緒同促進身體健康。Dr. BK Laser專家指冥想嘅方法好簡單，只要搵個舒服嘅地方坐下，閉上眼睛，將意念集中係數呼吸上，每10下一組，盡量唔諗其他野，將專注力放係呼吸上。養成每日冥想10分鐘嘅習慣，有助提升肌膚免疫力。

2) 多做運動

運動後白血球細胞會即時提升，有效增加肌膚免疫力。但如果每日加班，冇時間做運動呢？其實做運動唔需要好長時間，行路就係輕易嘅運動方式，Dr. BK Laser專家建議如果收工已經好夜冇咩時間剩，可以收工時早一個車站落車，再行返屋企，每日短短10分鐘，已經有效提升肌膚免疫力架啦。

3) 從飲食入手

由細菌所產生嘅體內炎症，會降低肌膚免疫力。蛋白質就係最佳嘅病菌殺手，有助增加白血球細胞同抗體嘅合成。Dr. BK Laser專家指蛋白質可從魚類、雞肉、雞蛋蛋白、牛肉等食物攝取，而素食者就要食多D含植物性蛋白嘅食品，例如豆類、菠菜、蕎麥等。除此之外，益生菌亦有助白血球細胞嘅合成，多食乳酪、麥片亦有助增強肌膚免疫力。

4) 優質睡眠

睡眠質素對肌膚免疫力有直接影響，唔少人都試過失眠，失眠原因好多，生活壓力大係其一，但其實你所用嘅寢具亦有所影響。寢具嘅選擇好個人化，唔可以求其揀，要根據個人體形同睡眠習慣黎選擇，對於體形較大較重嘅人，Dr. BK Laser專家建議揀承托力較佳嘅硬身床褥黎支撐體重，而較纖瘦嘅可以揀較柔軟嘅床褥增強舒適感。枕頭選擇對習慣側睡嘅人黎講好重要，可選能承托頭部，而高度適中，唔會為頸部同膊頭造成負擔嘅款式。訓得舒服，自然易D訓著啦！

5) 善用時間「小睡」片刻

如果訓唔夠，免疫力自然會下降，但香港人咁忙，都明白好難有充足睡眠。Dr. BK Laser專家指出10至20分鐘嘅小睡，可以令人變精神一段時間，有足夠力量去應付跟住落黎三四個鐘嘅工作，不過要注意如果小睡時間長達1個鐘，反而會令人有「睡眠倦感」，建議大家不妨預留10分鐘lunch時間黎補一補眠。

資料由Dr. BK Laser提供。

成功發佈