行程最後1日，去埋松菸文創園區，再去春水堂食埋個Lunch，之後就離開台灣啦！ (台灣，下星期見！無錯~Lazy G又出發了 :-D ) 請給我一個 like :) Thanks! My Facebook Lazy G. Lazy Place Day 7 – 台北車站阮的肉乾-松菸文創園區-春水堂-香港 台灣相信好多人都去過好多次，呢個地方真係百去不厭，無論係任何季節，佢都別有韻味。Day 7嘅行程比較簡單，一早起身，先由西門町去台北車站，四周行下。 台北車站周邊shopping點： 1.光南大批發-台北市許昌街40號 呢度好多人都識，有3層，地下係影音/電子用品，2/F係文具精品，3/F係護膚/個人用品/零食。我嘅目標就係去3/F，雖然佢種類比康是美/Watson’s/ 美華泰少，但係某類Skincare就比較平啦，每次去光南，我都會買廣源良嘅絲瓜/洋甘菊洗敷露，價錢比較平。夏天敷5mins，清清涼涼可以舒緩曬紅嘅皮膚，好舒服。 4款心水推介產品 2.阮的肉干 起台北車站K12出口右邊，最出名係佢嘅冠軍肉干筷子，長長一條，每一邊都經過火烤，幾好咬口，而且仲幾鮮味。佢其他口味有爆漿肉干、爆漿牛肉干等，食討厭傳統台灣肉乾的話，可以一試。特別嘅包裝送比人都幾有心思。 Details: http://shop.yunye.com.tw/product.php?pid_for_show=3153 買完一輪，就出發去松菸文創園區，大家可以起捷運國父紀念館站Exit 5出，沿光復南路步行至菸廠路(市民大道、光復南路口)約550公尺就到。 松菸又叫松山，係一個文創園區，文青嘅你可以起呢度行下創意市集，影下相。而且，入面時不時都有唔同主題嘅展覽，當日，入面就有進擊的巨人及鬆弛熊展覽，吸引唔少人參觀影相。 行完一圈，就到咗松菸誠品入面嘅春水堂食lunch，佢嘅珍珠奶茶係最出名嘅。可惜Lazy G有奶敏感，只可以飲檸檬愛玉，酸酸甜甜好清新。 除咗飲品之外，我好鍾意佢嘅鴦鴛燒賣，除咗豬肉之外，另一粒係用糯米包住d涵，好好味。 食完野之後，又再行下，返去西門町酒店拎行李，食埋成記楊桃冰就準備返香港lu。 最Like就係個片楊桃。 另外，如果大家有留意台北網上推介嘅手信潮流，就會知道故宮入面熱賣嘅「朕知道了」膠紙同印章好受歡迎。如果無時間去故宮，而家起桃園機場T2入面就有得買呢2款大熱產品，買嚟扮下皇帝又幾過癮！ 機場T2入面有歪腰郵筒 7日行程，總結有暖暖嘅溫泉、好山好水嘅風景區、地道美食、台北嘅藝文創意，真係好唔捨得呀！尤其係宜蘭嘅民宿( <-click 我重溫 ) ，有機會一定要再嚟！ 請尊重原作，Lazy G.Lazy Place 為版權所有，轉載請先聯絡本人，轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place
