就黎要離開德國既我地(Cherry&Loklam)，終於要試下為大部份德國年青人津津樂道既坐順風車(HitchHike)遊南德！ 我地係柏林所住既Share House，入面有3個HitchHike達人。 HitchHike歐遊係平常事，有一個朋友仲on the way HitchHike由柏林返香港添！ 點解HitchHiking咁吸引，真係要試過先知！ 呢個時候我地無工返又無乜閒錢，窮得只有時間，仲唔係嘗試HitchHike既最好時機！ 大概行程： Berlin 柏林＞ Leipzig 萊比錫 ＞ Nürnberg 紐倫堡 ＞ München 慕尼黑 ＞ Füssen 富森 主要都會以HitchHike遊走唔同城市，但當然都有機會坐平既其他交通工具啦。 同時間會沙發衝浪(Couch Surfing)，務求慳得１蚊得１蚊！ ~~~ 遊記節錄 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ [第１站 - Leipzig萊比錫] 夏天要做瘋狂的事！ 忍著淚說goodbye to 柏林後，我們今天早上就背著廿幾kg的行裝上路，出發hitch hike 去德國南方小城Leipzig(萊比錫) 截順風車的地方距離柏林大約一小時火車，雖然找傳說中的hitch hiking spot 行到半死，但很幸運我們第一個上前問的車主跟我們同路！他們是一對美國父女，在德工作的爸爸陪女兒找大學♥兩人都很健談風趣，下午兩時多便順利到達目的地！Yeah! [V] ----------------------------------------------------------------------------------------------------------------------------- 昨天hitch hike完攰到不行! 到host家後, 我們已經謝晒皮, 跟本不能出外遊覽...於是就和我們甜美又愛笑的host Carina在家聊聊天, 然後去公園野餐晚飯, 過了輕鬆的一晚 第一次被女孩子host, 感覺好過用care free! 除了乾淨整潔以外, 她的家每個房間都有不同主題, 實在太可愛了, 每個女孩子去到一定也會喜歡♥ Carina曾經花了兩個月在亞洲旅行, 加上最近又想搬到柏林, 因此我們都算很聊得來, 我們也送了一條中國風的手飾給她作為小禮物, 她很認真的和男友相討選哪條好! 至於Leipzig, 一如想像是個漂亮小城, 人也不如柏林人一樣愛搞怪...可是!!當地幾乎沒有亞洲人, 所以不少人以極好奇的目光打量我們, 感覺不是太好... 不過基本上, Leipzig也是個好地方, 特別她是個student town, 感覺學生真的可以好好讀書=p(當然要party也是有party啦, 不過Carina說8月因為不少學生會回實家或旅行, 所以當地的夜店都會summer break, 我們就覺得有點奇@@) [V] [第2站 - Nürnberg 紐倫堡] 離開Leipzig眨下眼就來到Nuremburg（紐綸堡）了！但在成功上車之前就沒上次順利了，我們在第一個spot曬了個半小時也無功而回，肯停下來的車幾乎都是往柏林，相反方向；唯有轉場去附近油站再試，結果不到一小時便搶攤成功！！ 今次是去慕尼黑的姐姐，她對日本人非常有興趣，我覺得我們還算解答了她蠻多的:p 是次hitching等待時間約2.5小時，車程約3小時，yeah!!雖然只是第二次截車，不過我已稍稍領略到hitching的重點--耐性. 就像畫畫一樣，最重要的不是技巧，而是耐性。你必需忍耐，即使太陽多曬，也堅持要抓住最微細的線和光，直到你心目中的藍圖實現為止 [V] -------------------------------------------------------------------------------------------------------------------- 來到紐綸堡(Nuremburg)呀，住係邊度好？ 好好彩又搵到沙發~但係坐落係離紐綸堡市中心大約5-10分鐘火車車程既Fürth(福爾特)! 係Leipzig最後一晚只係訓左3個鐘，再經過係烈日下暴曬2小時。 到Fürth個陣其實都真係累到爆炸。但奈何今次個沙發主係一個20出頭既小伙子，都預計到琴晚會係漫長既一日... 以我地既年紀參加一群20出頭既大學生既生日派對， 就算佢地完全睇唔出我地既年齡差距，但我地自己都真係完全feel到體力不繼 /口。 琴日之後，今日我地大概都係會係好"Chill"咁，行行企企食飯幾味咁過一日。 真係．．．老喇．．．哈哈 [C] ------------------------------------------------------------------------------------------------------------------- 沙發沖浪，好多時都有機會訓到人家既extra room，就算同屋都有返啲私人空間，又或者咁--occupy 人地間房！其實好多沙發主見到兩個女仔都會義不容辭讓間房出黎，唔知佢地係紳士定係出得黎閒兩脇插刀啦 今次我地都好唔好意思地侵佔左阿Keith間房(其實我叫佢黑仔)雖則佢係一個扮大人既0靚仔，但佢成個mantality都好make sense；所謂人不可以貌相，呢隻仔通德、英、法同西班牙語，竟然仲同我侃侃而談左成粒鐘中國歷史，好彩本人咁0岩碌左幾年歷史，唔係俾個肯雅0靚仔問到口啞啞真係成何體統 尋日因為我地煮左野食，所以今晚就到佢咁話。真係唔好意思，我諗我同cherry都算係呢個世界上最hea既旅人，一天只做一件事，今日行完紐倫堡個堡就返左屋企食飯lu... 話說今晚有波睇，咁我就襯拜仁粉絲黑仔專心睇波之時, 畫左張portrait過佢，唔小心用左成半個鐘畫到佢咁靚仔，搞到佢鬼咁開心，原來啲0靚仔真係好易氹:p [V] [第3站 - München 慕尼黑] To be updated! 因為而家我地仲係 München HBF附近等緊沙發主放工！哈哈 *德國丫，唔該！將全程直擊報導cherry和loklam的南德hitch hiking之旅，請密切留意更新，歡迎開心share:)* 更多更快更新@德國丫，唔該！Facebook專頁: http://www.facebook.com/germanyplease
