[7月27日 - Germany Supercup - BVB vs Bayern München] 喺維也納返左屋企半粒鐘後，我地又急急腳衝去hauptbahnhof, 準備搭八個鐘火車（！）去多蒙特。為左睇supercup決賽，多蒙特對拜仁慕尼黑，體力同精神都唔多夠既情況下，真係人都癲... 轉到最後一程火車，德鐵突然改班次又冇通知，令一眾喺月台既球迷都非常焦急... 終於順利去到會場，又搞左成兩個鐘先攞到飛入場，企位啲人仲逼過沙甸魚，開左波先攝到個呼吸到又睇到球場既位，但當然避免唔到俾成堆汗斑斑肉騰騰既德國佬前後包抄四面夾攻，果種熱、臭同撻肉既感覺，確係令人畢生難忘，差啲以為自己玩緊恐懼鬥室-, - 不過咁，現場既熱鬧氣氛真係會令你忘卻自己其實身處集中營既毒氣室入面， 仲會好high咁同八萬個進擊的德國佬一齊嗌，唱歌同俾手勢！我地本身笨冇支持開邊隊，但同行朋友仔係多蒙特粉絲，咁我地都做左黃色陣營:p 睇到支持果隊進攻、入波，high 過平時睇電視百九幾萬倍；冇諗左真係有機會可以喺德國睇大賽，仲要支持果隊捧盃, 成個trip攰到hihi都抵 （我好想去巴西睇世界盃呀救命lol）[V] －－－－－－－－－－－－－－－－－－－－－－－－－－－－－－－－－－－－－－－ 現場實況 >>> http://www.youtube.com/watch?v=cpVXvND68EE 來回柏林<->多蒙特 17小時既車程 忍耐（自己和別人/_|||)汗水同冇得沖涼的痛苦! 就係為左2個小時！ 現場個種男人既浪漫真係唔係言語可以形容! 前一秒可能因為倒瀉啤酒差d打交，但一下秒就一齊鬧_敵隊! 呢次旅程真係既漫長又短暫！但好值得呀！ (波飛+來回車票只係34.5歐!) 多謝同行友人既安排！[C] －－－－－－－－－－－－－－－－－－－－－－－－－－－－－－－－－－－－－－－－－－－ 仲有2個鐘就開波，但仲未到Dortmund，真係咪話唔心急！ SUPERCUP之落場無父子 - 老豆同細仔支持BVB；大仔支持Bayern München 終於到左會場，準備入場喇！ 熱情澎湃既BVB Fans！ 更多分享: http://www.facebook.com/germanyplease
