終於逃離現場了,醫肚先... 一場來到奈良,點都要食下啲土產, ta-da! 柿葉壽司,聽說柿葉壽司是奈良名物,呢間是在奈良公園出面,沿路就會見到... 雖然不是網上大家都追捧的平宗柿葉壽司,但係我又想去食釜飯志津香,所以冇去特別去搵平宗了~~ 聽說柿葉的功能係可以殺菌,所以可以唔使雪藏下存放幾天! 對一啲未食過嘅野,唔多唔少都有啲戒心,好彩佢地有出雜錦壽司便當,一陣間,如果個柿葉壽司唔好食,都唔會浪費啦~Hedging is the key!! 哈!~呢盒便當盛為480円! 原來係鯖魚!聞說正宗的吃法是連葉子一起吃,不過我無咁做,因為稍後要開長途車,驚肚痛哩~ 一食落口,同普通壽司冇乜分別,我係偏向唔中意....麻麻地~ 好好彩冇一打咁買,其實我完全唔recommend 人買,老老實實...講白啲就係難食.. 試過便算,再行過啲,前面人頭湧湧...原來係排志津香釜飯嘅公苑店!!!當然,公園店顧名思議是在奈良公園出面... ■公園店 奈良市登大路町59-11 近鉄奈良駅から東へ15分 電話 0742-27-8030 営業時間 11:00~20:00 駐車場有 6台 定休日 火曜日 http://www.kamameshi-shizuka.jp/index.html 不過在下雨天,手腳冰冷之際,我地諗都冇諗就走,唔等,太多人了.... 但係,我諗到我地可以re-route去志津香釜飯嘅大宮站架嘛!!!好彩即時上網查到資料,大宮站仲有12個車位添!!! 一去到,唔使等位! 即場有榻榻米坐! 突然覺得自己好醒呀,你睇上面有幾多位?唔洗淋雨添呀!!! 因為個主餐牌都好多野揀,我選擇恐懼症上身! 一見到呢個餐牌係天婦羅御膳,唔諗咁多啦!就一個叫上面嘅kutsurogi-gozen,而我就揀左中間嘅nigiwai-gozen! 而我最中意就係佢地個餐牌,有其他語言架,唔使估,冇辛苦!嘻嘻! 哇!!!!貴啲係有道理嘅,呢個係kutsurogi-gozen嘅時令前菜! 前菜都咁多嘅... 真係好好味,唔會過酸,開胃啱晒! 前菜過候,等左十數分鐘後,我個set到 啦!主要我個奈良七種特製釜飯,有牛蒡,紅蘿蔔,竹筍,金菇,青豆,雞肉,蝦,蟹肉等... 謹記每當取用後,一定要把釜飯蓋蓋上,這樣鍋巴才會較易取出來~ 而個蟹肉梗加係冇欺場~好彈牙,鮮味夠,份量足..個飯都好好食 不過我發覺關西嘅miso soup紅色嘅!!!個味我唔中意,本身應該係鹹鹹地架嘛..但係個味同平時個啲好唔同,怪怪地 (成個關西嘅miso soup都係咁呀,完全唔同recipe!!!) 其實,我諗兩個人可以share一個餐,個份量不是一般嘅大!!! 但係食完超滿足,暖笠笠!!!推介! 終於,我地要開長途車了...去邊度...去..有馬...嘆世界lu!!!! 啊,順帶想分享下,奈良有乜手信好買?我自己就買左一頂好代表到奈良的帽!!! 你睇,仲唔係奈良名物, 鹿仔帽,都係840円咋!一啲都唔貴,最重要係Functional!!! 係東大寺的記念品店舖有售,自拍的時候有三個台灣女仔見到,係咁話好可愛呀!!!!!!!!!! 如果唔係奈良的鹿仔又惡又衝動,也不會顯得我哩隻鹿仔多才多藝,開車車啦! 嘻嘻!