好滿足的睇完一輪楓葉後,要返回宇治了,大家應該無忘記我的行李還在宇治哩!仲有我連綠茶(抹茶)都未飲呀!!! 經過半小時後,又返到宇治了,其實宇治好細,係一個寧靜小鎮仔,不過,就算你不住在宇治都知道去宇治飲綠茶是常識吧!嘿嘿! 車子泊在源氏物語博物館附近,那兒有一所很大的壽司店,但係,但我係一心係要來飲抹茶架嘛! 幸好(不是幸好吧,宇治如果冇綠茶,也不是宇治啦!哈哈),也有不少抹茶小店,我們便隨意入內,也見到蠻多日本銀髮族在tea 喎!應該不俗吧~ 有抹茶同埋抹茶小丸子!真正的抹茶是很濃,分量很少,你看我的碗,佢地唔係偷工減料,因為真正的抹茶是很濃很香的! 不得不提,綠茶小丸子很讚哩!!! 休息過後,我地行去興聖寺,今次本來諗住快快去完興聖寺,便過對岸的平等院參觀! 但係諗都諗唔到沿着宇治河有好多好多楓葉靚景,真係估佢唔到喎! 宇治的楓葉果然較京都的晚紅~(記住上網睇楓葉情報) 不經不覺行到去興聖寺的範圍了!!!!!在上斜坡入興聖寺前的中段,找到了不一樣的仙景~ 看到這麼多的紅葉,好像被莫名的幸福感包圍著~ 小巧的楓葉,大概係加拿大的楓葉的三份一吧~ 係哩個位玩左好耐,搞到都冇入去興聖寺的意欲了,哈哈!聽說最美的楓葉是在興聖寺外而不是在內,嘻嘻! 就沿路回去了....在"觀流橋"上 好快就日落了,手腳有點冰了~找到了救星,在路上買了一罐玉米羹!熱騰騰的...無敵,好好味呀! 因為掛住拍照,趕唔切去平等院了,留有一點遺憾,可惜!不過,下次又有藉口再來啦!哈哈! 差不多天黑的時候,我要開車車去奈良ロイヤルホテル (Nara Royal Hotel) check-in啦! http://www.nara-royal.co.jp/ 因為只係晌奈良過一晚,所以和式西式客房都無乜所謂,最緊要要有parking,要乾乾淨淨,經濟至上! 一晚一部屋沒有早餐的要13000円,日圓持續低迷,HKD900都唔使! 包埋大浴場的入場券連parking(酒店客人不另收費,雖然寫著500円!)~ 唯一不滿的是浴室水壓很低,一時好熱一時好凍,哎..痛苦,因為已經好累了,都費時同front desk講... 所以哩樣野要特別注意!
