日圓跌，淘寶上癮.... 但短期內又唔會出遊，所以轉戰日本的GU。上兩次去日本去到GU係瘋狂，uniqlo 的quality，但平均只需990yen一件。

首先做了少量的代運的資料守集，各間的收費價錢都不一樣，加上真的猜不到重量，唯有亂揀一間試下。
1. Ezygo（今次用了這間, 因為有清楚教學送貨地址點填 - 教學）
2. buyipee
3. buyee

當一切準備好就上GU網購物了。GU網上購物要login，但唔會記住你既shopping cart，定時定侯便要由頭來過。買滿5000yen就可以免費本地送貨。

終於加哂所有入shopping cart，再跟著ezygo的教學去開account入地址，再用credit card付款後，就是...等! 大約在第二天便收到GU的發出的運貨編號的電郵，再將這個編號於Ezygo輸入。

[網購] EZYGO 日本代運

大概等了一星期，查到Ezygo日本那邊已簽收，但戶口卻未顯視，於是電郵去問... 終於收到email通知我件貨已到HK倉，可以去九龍灣自取或再本地郵寄。

我揀了郵寄去順豐自取，入到細細的順豐嚇一跳，咁大箱既，但入面唔滿，蝕左啦!!! 因為日本寄香港不是單純計重量，而是體積重量，即是︰[(包裹的體積: 長x寬x高cm)/6000]×2.2046=體積重量 (lbs) [由國際航空運輸協會(IATA)定的]

以我今次這個箱，體積= 49 x 37 x 32, 體積重量 = 22lbs，所以total 由日本代運來香港要HK$ 26 X 22 磅lbs = HK$ 572

再加$10本地郵寄手續費，再加順豐郵費，總共用左我HK$600!!!

[網購] GU 包裹

不怪得代運有一個選擇是「重新包裝」了, 那我就不用給多餘體積重量。也算數了，就是要試過一次先學識，加上我其中一件貨是鞋，也怕重包會弄壞!

來看看我的收穫吧! 有兩套毛毛睡衣、有對毛毛短boot、有件風螻、有件衫、有兩件warm打底衫.. 貨唔多，其實計返洗紙係抵（除了運費....）

[網購] GU 戰利品