又到年尾, 今年已經2020, 回想起千禧年, 其實已經20年前了...(女校男生都20年..) Kobe由出道到退休, 保方同卡達都打左4個10年(1990/2000/2010/2020) 好多人會話時間真係過得快, 次次聖誕, 之後除夕倒數, 再農曆年, 又會話時間過多好快. 但返工一日又好似好難捱, 過得好慢...星期一Blue Monday既時候, 又好似有排捱咁... 咁其實時間到底係快定慢...? 你享受就快, 你討厭就慢. 咁其實快好定慢好呢? 好自然又會話, 開心就梗係慢, 唔開心就梗係快啦! 成20年前有套電影叫"CLICK" 佢就係可以比個主角去Skip左D唔開心既Moment. 直接去到開心/成功既Moment. 好多人(佢自己) 初初都覺得好Amazing, 呢個感覺實在太好, 呢個發明實在太正! 但就係因為佢係咁Skip, 係咁飛... 快到最後佢好快都已經老了...錯過晒當中既苦, 回想起都係一生既一部分. 我地應該係去好好細味/經歷一下, 無苦, 何來知道甜? 無病過, 又怎會感恩健康既身體? 可能我既比喻太差, Sorry. 最後, 佢臨走O個一刻既最後對白係"Family..family.." 好多事, 其實唔係理所當然既. 包括你最基本既水/電/潔淨既食物等等... 可能講遠左, 但希望大家知足同學懂感恩. (我都一直學緊.) 最後, 分享一句耐不耐都會Remind自己既野. "幸福不是尋求更多, 而係培養享受更少既能力." 鼠年進步, 大家加油!
