呢間焗薯小店已經拎左兩年既米芝蓮推介街頭小吃獎項，真厲害！ 新開業既尖沙咀分店有座位坐，咁就可以坐住等食喇～ 先講佢地既焗薯^____^ 重量級芝士焗薯($36) 好足料既薯仔，係原隻薯仔黎架 從來芝士配薯仔係一件好合襯既事， 酸忌廉酸酸甜甜， 煙肉粒既咸香， 再加上滿瀉既芝士， 成件事邪惡得黎又難而抗拒～ 兩個人分享就最好 薯仔切開了一半的， 薯味濃，口感香滑 很快被我們肢解了:P 薯仔夠淋，很易挖出 薯仔充滿芝士香，兩者融為一體，將芳香既味道提升左一個層次 凱撒惹味雞($28) 這個是雞塊來的，炸粉很薄，雞肉嫩滑，仲食到D雞肉好juicy 加上凱撒沙律醬，很惹味！ 流心芝士薯波($22/3粒) 同樣地薯味十足! 薯蓉粒包住芝士 不過呢～芝士一D都唔流心 ，幾失望的 我以為會好磅礡咁流出黎架T_T 點醬薯條 千島蛋黃醬($30) 薯條粗身十足，香脆可口，而內軟熟 可能食到太多芝士同薯仔 我覺得眼前既千島蛋黃醬同芝士醬冇分別>< 醬怪既我希望可以多D醬 芝士蝦餅($28) 雖然叫做芝士蝦餅，但我唔太食出芝士味 蝦餅薄薄的，口感厚實，蝦味就亦都唔太重喇～ 忌廉蘑菇意大利粉($35) 意粉份量幾少，同焗薯一樣用同一個紙兜仔 意粉比較乾身～汁不是太多，不是太吸引 如果可以多番少少汁同蘑菇就好～ 草莓梳打($14) 金柚梳打($14) 同我想像中既味道差唔多， 草莓梳打飲落地似果jam加梳打水~ 好想試呢個檸檬意米水 傷心既係 賣！光！了！T_T 米芝蓮推介街頭小吃獎項 可愛既叁薯卡通 店舖細細，只有兩個店員打理 想黎食，就要耐心等待～ 餐牌 餐廳資料: 叁薯 地址:尖沙咀厚福街7A號地下E舖 營業時間: 星期一至六: 12:00-21:00 星期日: 休息 ___________________________________________ 想知多d香港有咩好食好玩既資訊，快d follow我下面其他channel啦 聯絡/邀請: Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana (https://www.instagram.com/foodsharingnana/) Openrice: Foodsharingnana (https://www.openrice.com/zh/restaurant/userinfo.htm?userid=64470761) Ublog: https://blog.ulifestyle.com.hk/blogger/foodsharingnana/ Blogspot: https://nanasdiaryyy.blogspot.hk/
