山林道嘅「Mini Club 」係我同同事嘅聚腳點， 因為酒品和食物選擇多樣化，環境不會太過噪雜， 消遣、飲野傾計都得。 不過今次小編就特意帶左小妹黎 ， 因為…要製造一個浪漫驚喜比小妹， 就係只有「Mini Club 」先有的特式甜品—The Love Of Eiffel。 「Mini Club 」格局開揚舒適， 打開窗戶幾有feel，邊喝酒邊吹風～ 裡面的裝潢都花了不少心機， 牆上掛滿美國風的佈置， 加上輕快的音樂，少了Disco的喧鬧，環境氣氛一流！ 一坐低，店員便為我們奉上花生， 仲好詳盡地講解精選推介和優惠套餐，服務幾周到！ 點擊圖片放大 上次試過「Wine not both?」套餐， 不過小編今次想試下cocktails， 所以就選擇了單點。 What The Duck（$108） 賣相吸引又可愛的黃色小鴨， 旁邊用小浴缸盛載着cocktail， 浴缸上還佈滿模仿洗澡的泡泡，像真度極高！ 由於混合了不少果汁 味道甜中帶酸，酒味不太濃烈，很易入口，清新好喝！ 泡泡仲要係飲得架！ 加d爆炸糖係泡泡面，更有另一番口感，值得一試！ Honey Bee（$108） 模仿蜜糖罐載着香甜美味的沙冰， 上面還有蜂巢蜜糖， 旁邊有着蜜蜂造型的白朱古力和蜂巢花紋的餅乾， 真是很有心思的設計！ 炭燒雞泡魚乾（$72） 烘乾的雞泡魚乾油脂清香， 蘸上沙拉醬一起吃， 用來做下酒小吃簡直一流啊！ 海鮮拼盤（$298） 陣容超鼎盛～ 有波士頓龍蝦（半隻）、法國睡蟹（半隻）、南美鮑魚（2隻）、法國翡翠螺（4隻）、 蒜味青口（4隻）、蝦（4隻）， 蝦足足有一隻手指咁長，肉質彈牙； 波士頓龍蝦幾大隻，又多膏，肉質鮮美有嚼勁； 最令我感動的莫過於睡蟹， 睡蟹可說是全世界最多膏的蟹， 齋睇已經讓人唾涎欲滴， 蟹膏豐腴滿頂，味道甘香鮮甜！ 蟹肉都算多，略帶海水的鹹味，不錯啊！ 蒜味青口幾入味， 鮑魚和翡翠螺都肥美厚肉，肉質爽口彈牙， 樣樣海鮮水準不錯，性價比高！ 除此之外，我地仲點左4隻精選生蠔（每隻$15），好抵呀！ 生蠔雖然不大，但夠晒肥美鮮甜！ 極上12oz炭燒安格斯牛仔骨（$148） 牛仔骨長過一隻手掌， 炭燒過的肉質仍然鮮嫩多汁， 加上黑胡椒、rosemary、香草等調味， 好入味呀！ 旁邊還伴以香甜黑醋汁呢～ 配菜有原個芝士煙肉焗薯仔， 嘩，一睇就知幾「芝」味啦！ 去巴黎睇鐵塔是小妹嘅願望清單中之一， 不過基於小妹一直都太忙， 所以好難先有機會去一個long trip， 唯有食住個The Love Of Eiffel頂住檔先啦。 嘩，賣相勁吸睛！ 仲有乾冰煙霧效果，相機食先就最岩啦！ 兩層高的鐵塔，仲要係小妹最鐘意的粉紅色～ 上面有多款精緻甜品， 上層是馬卡龍和朱古力； 下層則有小泡芙、芝士蛋糕和奶凍， 各款甜品味道都算不錯喔！睇得又食得！ 點擊圖片放大 +3 更值得一讚的是馬卡龍上印有高貴漂亮的圖案， 朱古力還有星空糖衣包裹着，真是別出心裁～ 隨鐵塔還附上明信片乙張， 後面印有艾菲爾鐵塔的愛情故事， 讓客人可隨心寫上字句張貼於店內的牆壁， 如不想張貼出來，更可把它帶回家珍藏呢！ 最後更附上精緻的心型鎖匙扣一個， 岩晒送比坐係身旁的小妹啦！ 地址： Mini Club (尖沙咀) 尖沙咀山林道29-31號地下A舖 營業時間： 星期一至日：17:30-03:30
