難得平日休息， 去完觀塘做gym之後，便和gym友吃頓好的來補充返體力～ gym友平時係觀塘返工， 所以佢有很多窿路去附近的工廈搵食。 「1988」是新開的泰國菜餐廳， 午市套餐價格為＄68至＄88，包一杯飲品，都算幾抵食， 而且現在還有新張優惠， 憑優惠券可享＄8折扣， 午市時間為12點至3點， 啱晒附近工廈輪流放午飯的時間。 午市套餐選擇都算多， 每星期都有八款款式任君選擇， 每星期又會換餐一次， 日日食都唔會怕悶。 青咖哩烤雜菜配白飯（$68） 青咖喱的質感比較流質，但味道卻十足！ 椰汁不會蓋過青咖喱的味道， 微辣惹味，用黎送飯就最岩啦！ 雜菜款式十分豐富， 有椰菜花、西蘭花，翠玉瓜和四季豆等， 款款都新鮮爽口， 岩晒on diet的gym友～ 泰式無骨滷水豬手飯（$88） 豬手滷得入味， 而且店家十分細心，已將豬手拆骨， 淨返炆得軟腍的啖啖豬手肉， 岩晒食野唔想整污糟雙手的懶人（我）～ 旁邊還配上泰式酸辣汁， 酸酸辣辣，零舍開胃！ 不過個人來說，豬手肉的份量真的毫不吝嗇， 覆蓋了整個飯， 一個人真係食唔晒。 餐飲方面， $26以下的飲品都可選擇， 其餘的就要額外加錢換購。 我們分別點了青檸梳打和凍西柚茶， 青檸梳打只有一片青檸， 青檸味道比較遜色。 凍西柚茶有原片西柚， 茶味濃郁，又散發陣陣西柚香，是不錯的健康選擇～ 地址： 1988 (觀塘) 觀塘興業街16-18號美興工業大廈A座1樓A3室 營業時間： 星期一至六：12:00-21:30
