麺処一家 x 尖沙咀美食 - 高質濃厚魚介拉麵一間係尖沙咀備受好評嘅拉麵店，田中又忍唔住，一滴不漏飲哂個湯！上過報紙雜誌嘅拉麵店老闆，據聞因為太鍾意食拉麵，所以特登去日本學師鑽研，可見老闆對拉麵嘅執着同熱愛，而田中就樣樣嘢都鍾意食，要飛幾十個國家先得。。。 🍜弟の選択 ($88)1️⃣弟の選択意思就係火灸豬腩肉，呢塊豬腩肉實在非常肥美，而且火灸過後油脂出哂黎。田中果日食係火喉岩岩好，一咬半溶化既狀態，非常正！2️⃣而湯底係豚骨魚介醬油湯底，一入口散發濃厚豬骨香味。而湯底唔係非常稠果種，膠質唔算重，唔會太膩，而且加上魚介嘅鮮甜，係非常有層次。3️⃣田中仲叫左隻溏心蛋，碌去右邊睇相都知正啦！👍🏻8/10 🍜妹の選択 ($88)而阿妹呢個就係除左塊肉轉左慢煮豬肩肉之外，湯底同配料都一樣！而兩款肉邊款好啲，田中就覺得豬腩肉肥美啲邪惡啲，各有特色啦。👍🏻7.5/10早排仲做緊堂食8折 唔知仲有冇！ 麺処一家🗺尖沙咀厚福街11號地舖想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
