壽司郎 x 佐敦美食 x 迴轉壽司田中食左幾次，平均都要排2-3個鐘！排咁耐隊，大家應該都想食得最好，所以就出左呢個壽司郎全攻略，記得save低下次去食啦！ 1️⃣第一位：油甘魚($17)只能夠講句，呢個價位好少食到咁肥美既油甘魚！夠靚仔夠嫩滑，近乎入口即溶。2️⃣第二位：特選中吞拿魚腩($17)靚吞拿魚17蚊黎講真係抵食，好肥美，香濃吞拿魚油脂味，一樣近乎入口即溶。3️⃣第三位：蝦三味($17)主要想推介赤蝦！比起出邊既赤蝦，呢隻真係出奇地超大隻超厚肉，肉質爽口！赤蝦12蚊，加5蚊搭多兩件熟蝦甜蝦，可以話係抵食必叫！4️⃣第四位：松茸拉麵($32)松茸既鮮甜味令人非常難忘！雖然松茸份量唔多，外表平平，但依然必食！而且湯底清甜，伴以淡淡柚子香。5️⃣第五位：松葉蟹軍艦($17)蟹膏香濃，蟹肉鮮甜，必食！ -不推薦-海膽：有腥苦味，唔夠鮮甜，真係唔好叫！炸蝦天婦羅拼盤：除左炸蝦ok，其他都質素平平。好味既又點止五樣！整體黎講非常值得去食多兩轉，但拎位就要啲策略啦！三四點拎完位去行街，六七點就準時有得食啦！壽司郎 (佐敦彌敦道348號彌敦坊UG樓)紅磡黃埔、黃大仙、長沙灣都有分店！想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
