烏蠅館 x 尖沙咀美食 x 四川冒菜一間樓上隱世四川菜，而啲餸都比平時嘅冒菜特別！聽到烏蠅館，田中心諗酥炸烏蠅、蔥爆烏蠅、烏蠅上樹，正呀！但果日黎到，咩烏蠅都冇得食，連烏蠅都見唔到，你話條數點計。 🌶藤椒湯底 - 冒菜6款餸 ($50)1️⃣藤椒湯底帶微微地辣同麻，而且味道都較平時嘅麻辣湯底清新，唔會太多油！2️⃣而且湯底都惹味鮮香，配埋生蒜真係超吸引，不過唔好嗌多蒜，會好嗆好辣！👍🏻7/10🍅蕃茄湯底 - 冒菜6款餸 ($50)果日嘅蕃茄湯底好稠好濃，酸酸甜甜，茄味重但冇咩茄蓉，不過湯底黎講夠哂正！👍🏻7/10🌰配菜推薦: 海帶苗、竹笙、黑豚肉、蟲草花、娃娃菜見好多人都會叫海帶苗，真係幾滑幾正，而竹笙就夠哂大條，索哂啲湯汁又爽口。而且都有比較少見嘅養生蟲草花，唔錯！ 🍝寶林川式麻辣雜醬撈麵 配肥牛($24）1️⃣24蚊真係好抵！而且材料都豐富，有菜有肉咁！2️⃣麵底粗身偏硬，而且比較爽身，感覺似平時公仔麵未熟咁，田中就建議叫其他麵啦！3️⃣果日叫左小辣，但都仲係極級辣，小心食用！👍🏻5.5/10 不過呢到嘅茶真係選擇豐富，唔同種類嘅茶葉都掛哂係牆，而且非常講究，值得一試！烏蠅館 (尖沙咀亞士厘道38號天星大廈1樓B舖)將軍澳都有分店！想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
