入到去白房子就已經比佢兩幅特大花花牆吸引住😍， 周圍環境都以花草植物做主題，女生們見到一定瘋狂打卡📸！/ 食物方面Cafe提供多款主食🍽名稱亦相當好笑🤭，好似我今次叫嘅【龍蝦先生遊花園】、【夠薑蔥爆你！】，其中最有特色一定係牛奶曲奇杯子！重點餐廳亦都歡迎寵物來臨，可以帶埋心愛嘅貓貓狗狗嚟影相都唔錯㗎🐱🐶⋯⋯/🦞龍蝦先生遊花園 $298 龍蝦先生加上花瓣，賣相相當精美💓半邊開邊龍蝦慢烤過食得出加入左牛油香草蒜蓉未食都覺勁香😍， 肉質多膏彈牙夠新鮮！底下意粉十分creamy，芝士忌廉汁超濃郁好有誠意！/🧄夠薑蔥爆你！ $107 名副其實加入大量薑蔥香蒜炒成，每啖意粉食落香氣濃郁，好味😋！/🍪White Hse Cookie Cup $ 69 餐廳超有創意竟然諗到用曲奇做杯，飲完牛奶仲可以將杯子食落肚🤣！一次過滿足兩個願望，爆趣！ 而家復活節嘅關係所以杯嘅圖案都變咗復活兔啊，超級呃Like，打卡嘅必叫！記得影相時候要輕力，驚隻杯耳會甩出嚟😆/🍹蝶豆花綠茶 $ 45 綠茶加上蝶豆花颜色變得超夢幻，攪拌後甜度適中，不錯👌🏻/總結食物賣相精美，服務友善，重有玻璃窗位選擇🪟⋯⋯ 不過最好訂咗位先去，咁就坐到你想要嘅位啦😌！========================= 白房子 (銅鑼灣)📍銅鑼灣謝斐道508號聯成商業中心15樓1501室☎️3956 2183⏰ 星期日至四 12:00～22:20/星期五及六 12:00～23:00（星期二休息）=========================
