聽聞尼間小館最近轉咗手，放假又去試下啦。 雖然唔算得上係咩新派菜式，但都有好多款酒樓已經唔再做嘅舊款點心，總算搵到小小情懷。 XO醬炒腸粉 食到XO醬味，但整體味道較淡，唔鍾意濃味嘅朋友啱哂。 芥末魷魚鬚 唔。。。。個醬唔夠混，芥末味亦都唔重。 芝士蝦長春卷 可能加入太多芝士，所以食落去已經唔脆，重有小小“留”嘅感覺。 香茜牛肉腸 腸粉都幾滑，唔係好差 (不過個人都係鍾意食蝦腸多d)。 蜂巢炸芋角 好鬆脆，一d都唔油，芋頭味好香，值得推介。 香煎糯米雞 依家比較小酒樓會做煎，多數都係蒸。 煎嘅感覺好唔同，比較硬，以為自己食緊煎米。 水晶蝦餃 睇賣相都知道正啦，皮薄，蝦肉新鮮，正! 潮州粉粿 尼個。。。。皮好厚，入面亦加咗d類似蝦蓉咁嘅材料，食落有d“傑”。 個人喜歡比較清爽嘅粉粿。 麵醬排骨陳村粉 哎…失望，個豉油太甜，係好甜，完全食唔到第二啖。 魚湯浸鮮竹卷 魚湯好甜，支竹亦都好新鮮。 燒賣 + 鵪鶉蛋燒賣 燒賣上面嘅蝦好新鮮，有蝦味又彈牙。 可能好耐無食過鵪鶉蛋，所以覺得特別好味。 整體黎講都算ok, 點心唔會太濃味而係咁飲茶。 @大圍 記住like同追蹤我地嘅專頁, 因為每一個like都係我地動力來源。 foodcorps格言： 唔怕周圍食，只係怕你唔好食，哈哈~~~~ 自問你嘅出品有100分？歡迎搵我地嘅金舌頭切磋切磋。 Email: wearefoodcorps@gmail.com www.joinfoodcorps.blogspot.com www.facebook.com/foodcorpshk www.instagram.com/foodcorps.hk #飲食blogge #講飲講食 #午市飲茶
