第一次真正返深圳自由行，一於黎個兩日一夜之旅，而行程重點緊係擺係食野到啦！今次book左的酒店係大劇院站萬象城附近，所以係商場入面都食左唔少野 ⠀ BOUNDARYLESS CAFE遇界 呢間cafe係小紅書 上面都幾多人介紹，裝修主要係白色為主，環境都幾IGable，我點左「火腿芝士三明治佐凱撒沙拉」，係牛角包包住火腿芝士，牛角色出符意料咁鬆化，外脆內軟，而且無膩感，配埋內餡都幾飽，沙律落左醋，啲菜勁新鮮，食落爽爽聲，最鍾意入面啲菇！ 另外點左「紅酒汁牛肉三明治佐油醋汁沙拉」，個包就比牛角包硬同乾身，最緊有牙力，紅酒汁牛肉唔係好食得出味道，不過都幾冧，總括就係不過不失 地址：寶安南路安南路1036號（萬象城喜茶隔離） ⠀ ZAKUZAKU 北海道而來既雪糕泡芙店！晏晝去勁多人排隊，我地夜晚返先食！叫左雪糕，牛奶味勁重，口感綿密，個cone好鬆脆，雪糕食到落底仲有，真係好多，呢個係必推item ⠀ 地址：深圳市羅湖區寶安南路1881號華潤萬象城KM13B ⠀ 鹿角巷The Alley 係ZAKUZAKU隔離就係鹿角巷，大鄉里既我係香港無飲過，因為要排太耐了， 深圳呢間有位坐，又唔洗排隊，坐低一路飲一路傾計都得！叫左「黑糖鹿丸鮮奶」，黑糖味重，但又無搶左奶味，珍珠都有黑糖味，算煙韌，重點係唔太甜，飲落無咩罪惡感 地址：深圳市羅湖區寶安南路1881號華潤萬象城KM13A 其實萬象城仲有一般探魚、喜茶架，個肚夠大可以試埋，我就等下次嚕！ ⠀ 交通：乘搭地鐵羅寶線（1號線）於「大劇院」站下車，C出口直到萬象城 ======================================== IG: https://www.instagram.com/nomore_travelogue/ Facebook: https://www.facebook.com/nomoretravelogue/ Youtube: https://www.youtube.com/channel/UCcwJtbL7rpvubX3EIan6mLg Email: nomoretravelogue@gmail.com
