海街丼在坑口東港城開業一段小日子，每次經過這滿滿日本風情畫的店，總會躍躍想試。雖然不知道形容它做將軍澳區日菜滄海遺珠對不對，但因為它的位置在角落，每次路過也有空位。 今天午餐想吃日菜，於是想起它，便過來試試。午餐除了有set 的點餐紙，也有ALC menu 提供。 點了海寶丼(並）($90) 和ALC Menu上的醬汁吞拿魚配生蛋($58)。 這是我去日本旅行很喜歡的一道菜！呢度都做得好好食😍醬汁濃郁的味道平均滲入魚粒內，無話一啲咸一啲淡。再將稠滑的生蛋和魚粒攪勻，放上紫菜入口。OMGGG，真係勁好食😭 海寶丼(並) - 有赤身, 白身, 章魚,穴子, 蛤蜊, 小扇貝, 鮭魚子, 青瓜Menu後面有寫話材料每日日本直送，我真係信。食得出啲食材真係新鮮。 Set 同我地平時出去食的無咩太大分別，有前菜、味噌湯、茶(烏龍/綠茶)。特別的是，呢度有醋啫喱，上網睇話原來餐廳特製，將醋啫喱自行拌入飯中，藉由白飯溫度讓啫喱溶化，增加醋香。如果店員可以係放餐講一句就好了，我盲懵懵地都諗左一陣🤣不過整體黎講，係正既！食左可以當返左日整家鄉! 當然你可能會說:車，鰂魚涌同九龍灣都有分店啦🤷🏻♀️但畢竟將軍澳區呢邊暫時真係唔多呢啲選擇。海街丼 (東港城)地址: 將軍澳重華路8號東港城1樓186號舖電話: 35963973=======================Find me onBlog▸ http://flyyoursoul.blogspot.hk/U Blog▸https://blog.ulifestyle.com.hk/blogger/flyyoursoul/Instagram▸https://www.instagram.com/yungssoul/Youtube▸https://bit.ly/3egzduIzz
