路線：高雄西子灣 → 枋寮 → 墾丁→ 恆春 (128km) 時間：約 11 小時 難度: ★★☆☆☆ 長度: ★★★★☆ 享受度: ★★★★★ ▼ 單車環島 Google Map Link： https://drive.google.com/open?id=10FUj1YeAPIvDgmpichTglv1btQA&usp=sharing ----------------------------------------------------------------------- 前兩日都唔好天, 今朝起身見晴空萬里，充滿期待！ 民宿老闆比我路上既護身符 - 我就係因為比佢呢份真誠打動左，決心台北實習後留低係高雄呢度打工換宿 - ( 打工換宿驗驗Link 見文章底) 接下來既行程 - 台南同台東都係郊區，中途好難搵到百貨/便利店買日用品同埋銀行; 所以從高雄出發去墾丁以前 有兩樣野提醒自己要做: 去銀行同買日用品。 台灣有兩間好出名既百貨日用品店 - 小北百貨 ＆光南大批發: Legging (護膝）- 頭兩日曬傷，希望避免再曬傷 拖鞋 - 落雨既話直接換 水 - 不用多說吧 現金 - 因為在台灣，現金才是王道。 買完補給品 - 向晴朗的一天出發:） ▼ 經過高雄既前鎮之星，橋上可以見到係草皮上經過既高雄輕軌。 ▼ 踩左大概2個鐘 騎入台灣最南縣 - 屏東 ▼ 枋山鄉首推: 愛文鄉冰島芒果冰 - 相呢? Umm..我唔太鍾意食芒果 今日最難既挑戰係太陽非常曬 騎無幾耐就要補水休息 而可幸既係補給點算多， 而且比我發現到有單車theme 主題既Seven-Eleven ▼ 午餐無太多既選擇 就地係7仔點左個日式咖哩飯 騎著騎著 我最期待既畫面出現了 - 係海! 騎左5日 今次可以真真正正沿著海邊，吹著海風踩既感覺真係好舒服 回顧返係今次旅程最Enjoy 既一段。 中途出現小插曲 - 正當我打算係恆春航空站 入去飲口水既時候 ，有個約四十幾歲既大叔係旁邊同我揮左個手。 經過簡單介紹一下，原來係高雄當警察，今次由高雄騎去墾丁係當操體能。 佢: 「年青人，來單車環島嗎？」 我: 「是啊」 佢: 「厲害厲害，那你今天打算騎到哪裡？」 我:「我打算騎到最南點，然後再回恆」 佢: 「這裡距離很遠呢，差不多要1個多小時，來回要差不多3小時，天都黑了，你確定要這樣做嗎？」 其實佢咁講完，我有一刻有點猶疑。 熱心既佢同我講，如果我未Book 既話，佢有個朋友係航空站做員工， 我可以留低同佢地食飯同係員工宿舍住一晚 再出發 但係，我決定目標為重，所以並無選擇答應到。 ▼ 謝過佢地後， 在留言板臨別時留低我既足印。 ▼ 會先經過恆春（今晚目的地），決定先係背包客棧check-in 放低行李 輕裝上陣。 ▼ 趕及係日落前黎到台灣最南點 回程時見日落咁靚 所以影多幾張相 ▼ 晚飯時分回到恆春 我既背包客棧就位於恆春大街 搵野食同地點好方便同就腳 ▼ 背包客棧環境 都算唔錯 今晚 遇到準備 下星期當兵，年紀同我參唔多大既男仔 ，而令我好Surprise既係 - 今日佢都係踩單車高雄出發 而且同我聽日行程一樣~ 但係講到聽日既行程 我地都不禁流露出我地擔憂既心情... 如果你想知道台灣自由行既心得， 或者想知道關於我更多單車環島既 可以Like我既: 》Facebook Page: www.facebook.com/flywithadream 》Instagram: @flywithadream 》YouTube: www.youtube.com/flywithadream 打工換宿驗 分享: https://www.youtube.com/watch?v=BoiwfRSlTi0&t=3s 夕陽無限好 只是近黃昏 ------------------------------------------------- 今日 Checklist （5/10） √ 10日完成單車環島 (Finish Biking Trip in 10 Days) 2) 發掘10樣台灣美食 (10 Taiwanese Food) 3) 探望10位台灣朋友 (Visit 10 Friends) √ 征服台灣4極 (Discover 4 Poles of Taiwan) √ 寄10 張PostCard (Send 10 Postcards) 6) 認識10個台妹 (Meet 10 Taiwanese Girl) 7) 同10個路人r水吹 ("Blow water" with 10 Strangers) √ 10張國旗相 (10 photos with Flag) 9) 了解10唔同行業既義工 (Understanding 10 Volunteer Work) √ 10個印章 (10 Stamps)
